तयार भयो ‘गुरिल्ला पदयात्रा’, आउनोस् एकछिन घुमौं (फोटो फिचरसहित)

-जितेन्द्र भट्टराई

विशाल फाँट । वरीपरी हरीयाली जंगल । सेताम्य हिमालको दृश्य देख्दा कसको मन नरमाउला र ? कुनै समय सरकार- माओवादी द्वन्द्वका कारण प्रख्यात रहेको रुकुम-रोल्पा यतिबेला पर्यटकीय केन्द्र बन्दैछ । सामान्यतया नेपाल आउने पर्यटकहरु अन्नपूर्ण, सगमाथा, लाङटाङ लगायतका सर्किटमा पदयात्रामा जाने गर्छन् । पचासौं बर्षदेखि नेपालले अन्तराष्ट्रिय पर्यटन बजारमा प्रर्बद्धन गरिरहेका यी गन्तब्यले मात्र पर्यटकलाई आर्कषिर्त गर्न नसक्ने अबस्था छ । पर्यटकका लागि नयाँ नयाँ गन्तब्य खोज्ने क्रममा अहिले राज्य तहबाटै पहल भई ‘गुरील्ला पदयात्रा’को रुट तयार पारिएको छ ।

वागलुङ्गको दरवाङ्गबाट सुरु हुने गुरील्ला पदयात्रामा तिन खण्डमा विभाजित छ । सबैभन्दा छोटो पदयात्रा १४ दिनको छ भने सबैभन्दा लामो पदयात्रा २७ दिनको । पदयात्राको क्रममा हिमाल, जँगल, नदी, जनावरसमेत अवलोकन गर्न पाईन्छ । पदयात्रा क्षेत्रमा प्रमुख रुपमा मगरको बाहुल्यता रहेका कारण यो जातीको रहन सहनका साथै मगर सँस्कृतीसमेत अवलोकन गर्न पाईन्छ । पयदयात्रामा धौलागीरी, सिस्ने, अन्नपुर्ण, चुरेन, कुन्था लगाएतका हिमाल हेर्न पाईन्छ भने चार हजार साठी मिटरको फागुने लेक समेत पार गर्नु पर्ने हुन्छ ।

पदयात्राको सबै भन्दा रमाईलो स्थान भनेको फागुने लेक रहेको छ । लेकमा पुग्दा हरियाली फाँटको छेउमा मिलाएर रोपेको रुखहरु र रुखको पछाडी देखीने सेताम्य हिमालले त्यहाँ पुग्ने जो कोहीलाई स्वर्गीय आनन्द महसुस गराउँछ । पदयात्राको क्रममा ढोरपाटन शिकार आरक्षण भएर जानु पर्ने भएकाले नाउर, घोरल, झारल, चितुवा र डाँफे लगाएता जनावर र चरासमेत अवलोकन गर्न पाईन्छ । नयाँ पदमाग भएकाले चाहे जस्तो होटलहरुको सुविधा नभए पनि खान बस्नलाई समस्या छैन ।

पर्यटकहरुको आगमनमा बृद्धि भएमा त्यहाँका स्थानियवासीको आर्थिक अबस्थामा सुधार हुनुका साथै पर्यटन पूर्वाधारहरु पनि बन्दै जानेछन् । एलेन्जो लायन्सले एक बर्ष लगाएर तयार पारेका गुरिल्ला पदमार्गको गाईड बुक र नक्सा केही दिनअघि माओवादी अध्यक्ष प्रचण्डले सार्वजनिक गरेका थिए ।

तस्वीरहरु :  जितेन्द्र भट्टराई / एलेन्जो लायन्स

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• ठाकुरको आहृवानमा मधेसवादी दलहरुको उच्चस्तरीय बैठक बस्दै
• तालिबानी आक्रमणमा काबुलमा नेपाली मारिए
• इस्कुस किन जिब्रो फुत्त बाहिर निकालेर पाक्छ ?
• भारतमा जन्तीबस दुर्घटना, एक नेपालीको मृत्यु
• बुद्धजयन्तीले प्रेमको सन्देश फैलाओस्ः राष्ट्रपति