इराकमा लगाइएको प्रतिबन्ध खुलाउन एनआरएनको माग

५ पुस, बगदाद । इराकमा रोजगारीका लागि लगाइएको प्रतिबन्ध हटाउन त्यहाँ कार्यरत नेपालीहरुले नेपाल सरकारसँग माग गरेका छन् ।

गैरआवासीय नेपाली संघ राष्ट्रिय समन्वय परिषद् इराकले पाकिस्तानस्थित नेपाली राजदूतावासमार्फत नेपाल सरकारलाई एक अपिल पठाउँदै इराकमा लगाइएको प्रतिबन्ध फुकाउने दुई बर्षअघिको निर्णय तत्काल कार्यन्वयन गर्न माग गरेको छ ।

सन् २००४ मा १२ जना नेपालीको हत्या भएपछि इराकमा रोजगारीका लागि प्रतिबन्ध लगाइएपनि अहिले अबस्था त्यस्तो खतरापूर्ण नभएकाले प्रतिबन्ध फुकुवा गर्नुपर्ने एनआरएन इराकको माग छ ।

सरकारलाई पठाइएको मागपत्रमा भनिएको छ- ‘अहिले इराकमा ३७ देशका राजदूताबासका साथै २४ कुटनैतिक नियोग र अन्य २ देशका प्रतिनिधित्व रहेको छ । भारत, पाकिस्तान, बङ्गलादेश, आफगानिस्तान, आदि जस्ता दक्षिण एसीयाली मुलूकहरुले इराकमा राजदूतावास स्थापना गरि आˆना देशका नागरिकहरुलाई रोजगारिका लागि प्रशस्त बाटो खुला गरि सक्दा पनि नेपाल सरकार इराकप्रति नीतिविहिन देखिन्छ किन ? इराकको वर्तमान राजनैतिक स्थिरता, आर्थिक बृद्धि र खुल्ला बजारनितीले यहाँ बहुराष्ट्रिय कम्पनीहरुको आगमनले यहाँ श्रमीकको माग पनि बढि रहेको छ । तसर्थ्ा इराकसंग कुटनैतिक सम्बन्ध स्थापना गरि बेरोजगार यूवा जनशक्तिलाई रोजगारी दिलाउन सके यसले नेपाली अर्थतन्त्रमा सकारात्मक परिणाम ल्याउने थियो ।’

अहिले इराकमा ३५ हजारभन्दा भन्दा बढी दक्ष तथा अर्ध दक्ष नेपाली कामदारहरु कार्यरत रहेको त्यसमध्ये करिब २० हजार जति कुर्दिस्तान-इराकको क्षेत्रिय राज्य)मा कार्यरत रहेका एनआरएन इराकले जनाएको छ । नेपाली कामदारहरु कम्पनी, अफिस, सपिङमल, सुपरमार्केट, रेष्टुरेन्ट, घर आदीमा एकाउन्टेन्ट, सेल्समेन, क्यासीयर, हृवेटर, सेक्युरीटीगार्ड, कुक, सुपरभाइजर, क्लिनर, कारपेन्टर, म्यासन, प्लम्बर, इलेक्टि्रसीयन, सिभिल इन्जिनियर, ड्राइभरका रुपमा अधिकाशं नेपाली महिलाहरु हृाउसमेडको रुपमा काम गरिरहेको एनआरएनले जनाएको छ ।

अपिलमा भनिएको छ- इराकमा कार्यरत श्रमजीवी नेपालीहरुले नेपाल सरकार समक्ष अनुरोध गर्न चाहन्छौ कि चाडो भन्दा चाडो इराकमाथि लगाइएको प्रतिबन्ध फुकुवा गर्नुका साथै इराकको प्रवेशाज्ञाको वैधानिकता जाँच गरि नेपाल एयरपोर्टबाटै वैधानिकरुपले आवतजावतको व्यवस्था गरियोस् । इराकमा अहिले प्रशस्त रोजगारीको अवसर रहेको हुदाँ इराकसँग श्रम संम्झौता गरि वैधानिक रुपमा नेपाली कामदारहरु पठाउने वातावरण मिलाइयोस् र इराकमा कार्यरत नेपालीहरुको समस्यालाई नजिकबाट हेरिदिनका लागि इराकमा राजदुताबासको यथाशिघ्र स्थापना गरियोस् ।’

समाचार

• राष्ट्रिय स्रष्टा सम्मान वरिष्ठ गीतकार थापालाई
• निर्वाचन घोषणा गर्न सरकार आतुरः रेग्मी
• मंसिरमा निर्वाचन नभए सरकारको अस्तित्व सकिन्छः एमाओवादी प्रवक्ता
• पुस्तक मेला- कुन किताब कस्ता छन् ?
• कीर्तिमानी आरोही गौतम भन्छन्-सगरमाथा कालो पहाडजस्तो देखें