चीनले लगानीका अतिसम्भाव्य क्षेत्रको पहिचानसहित परियोजना माग्यो

६ पुस, काठमाडौं । चिनियाँ ब्यवसायीहरुले नेपालमा लगानीका अतिसम्भाव्य क्षेत्रहरुको पहिचानसहित ठोस परियोजना मागेका छन् ।

नेपाल भ्रमणमा रहेको ग्वाङडोङ प्रान्तको व्यावसायिक प्रतिनिधिमण्डलसँगको भेटमा नेपाल उद्योग बाणिज्य महासंघको नेतृत्वले नेपालमा चिनियां लगानीको विस्तार गर्न आग्रह गरेको थियो । महासंघले पर्यटन, पूर्वाधार विकास, उर्जा, खानीजन्य उद्योग, व्यवसायिक कृषिमा लगानी गर्न र नेपाली उत्पादनलाई चीनमा गुणस्तर मान्यता दिन आग्रह गरेको थियो ।

जवाफमा चिनियाँ ब्यवसायीहरुले लगानीका अतिसम्भाव्य क्षेत्रहरुको पहिचानसहित ठोस परियोजना ल्याउन आग्रह गरे । लगानीको सुरक्षा बढी चासोको विषय भएको भन्दै उनीहरुले लगानीको संरक्षण हुन सकेमा नेपालमा चिनिया लगानी भित्रीन सक्ने बताएका छन् । नेपालको विकास प्रयासमा सदैव सहयोग गर्ने आश्वासन दिंदै चिनियां टोलीले नेपालमा लगानीका सम्भाव्य क्षेत्रहरुका विषयमा चीनमा प्रवर्द्धनात्मक कार्यक्रहरु गर्न बैठकमा सुझाव दिएको छ ।

सन् २०१०-११ को तथ्यांक अनुसार नेपाल र चीन बीच करिव ६२१ मिलियन अमेरिकी डलर वरावरको व्यापार घाटा रहेको छ ।

समाचार

• ओलीले भने – ‘झा र अर्याल बढारिनुपर्ने फोहोर’
• जाँच दिँदा शौचालय जानेलाई निगरानी !
• हिमाल आरोही ताइवानी नागरिकको मृत्यु
• सरकारसँग वार्ता गर्न सद्भावनाको अनसन स्थगित
• उपत्यकाको सडकमा अख्तियारले छानविन गर्ने