बस, कार र ट्रकमा अमेरिका जाँदा

७ पुस, काठमाण्डौं । तनहुँका मोहन गुरुङ (नाम परिवर्तन)ले घर छाडेको झन्डै छ महिना भयो । नेपालबाट सँगै अमेरिका हिँडेका अन्य चार साथीमध्ये तीनसहित उनी अहिले मेक्सिको सीमाना नजिक ग्वाटेमाला पुगेका छन् । उनीहरु सवै तनहुँको एउटै गाविसका बासिन्दा हुन् । सँगै गएका एक साथी ब्राजिलमै छुटे । नेपालबाट अमेरिका जाने सपना बुनेर १३ राष्ट्र छिचोल्दै मेक्सिको पुगेका ३२ बर्षका मोहनको सपना छ, धन कमाउने ।

‘घर सल्लाह गरेर अमेरिका जान हिँडेको,’ ग्वाटेमालबाट स्काइपमा कुरा गर्दै मोहनले भने, ‘गन्तव्य टाढा छैन् । क्रिसमस र नयाँ बर्ष २०१३ सकिएपछि अमेरिका ।

ब्राजिलबाट ग्वाटेमाला पुग्दा दिनरात, घामपानी, थकाई निन्द्रा केही भन्न पाइँदैन् । जति बेला दलाललाई समय अनुकुल लाग्छ, हिँड्नुपर्छ । कहिले बस, कहिले कारमा, कहिले ट्रकमा, कहिले जंगलै जंगल पैदल । बीचमा ठूला खोला उत्तिकै । जे भेटिन्छ, त्यही खाने । अपहरणको कुार छाडौं, लुटिने डर उस्तै । यावत् व्यवधानसँग पौठेजोरी खेल्दै अमेरिका पुग्नुपर्छ ।

उनीहरुसँग राहदानीमात्र होइन, आफ्नो परिचय खुल्ने कुनै कागजात छैन् । सबैले राहदानी बोलिभिया मै च्यातेर फ्याँकिसेका छन् । यस मार्गबाट अमेरिका छिर्दाको नियम हो, राजधानी च्यातेर फ्याँक्ने । नफ्याँके अमेरिका जान पाइदैन । कुनै दुर्घटनामा मृत्यु भए, को मर्यो भन्ने पत्तो हुँदैन । नेपालमा रहेका परिवारले थाहा पाउने कुरै भएन नागरिक दैनिकमा खबर छ ।

मोहन ग्वाटेमाला पुगेको तीन साता भयो । नेपालबाट पैसा आइनपुगेकाले मेक्सिको छिर्न ढिलाई भएको रे । उनीसँगै ग्वाटेमाला आएका केही साथी अमेरिका पुगिसकेका छन् । अव उनलाई अमेरिका पुग्न ६ हजार डलर (झन्डै साढे पाँच लाख रुपैयाँ ) आवश्यक रहेको छ ।

समाचार

• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ
• बैशाख महिनामा २२७ वटा महिला हिंसाका घटना