केरीलाई विदेशमन्त्री बनाउने ओबामाको घोषणा
७ पुस, काठमाडौं । अमेरिकी राष्ट्रपति बाराक ओबामाले आफ्नो दोस्रो कार्यकालमा विदेशमन्त्रीको जिम्मेबारी जोन केरीलाई दिने घोषणा गर्नु भएको छ ।
केरीले हलारी क्लिनको स्थान लिनु हुनेछ । केरी विदेशमन्त्रीको भूमिकाका लागि तयार रहेको र उनले विश्वभरका नेताहरुको सम्मान र विश्वास जित्ने ओबामाले विश्वास व्यक्त गर्नु भएको छ ।
केरी सन् २००४ मा डेमोक्रेटिक पार्टीको तर्फबाट राष्ट्रपति पदको उम्मेदबार हुनुहुन्थ्यो र हाल सीनेटको विदेशसम्वन्धी समितिका अध्यक्ष हुनुहुन्छ । विदेशमन्त्रीका दावेदारका रुपमा हेरिएका राष्ट्रसघंका लागि अमेरिकी राजदूत सुसन राइसले हालै मात्र आफ्नो नाम फिर्ता लिनु भएको थियो ।
लिबियामा अमेरिकी दूताबासमा भएको आक्रमणमा राजदूतसहितका कूटनीतिज्ञ मारिएपछि राइस रिपब्लिकन पार्टीको आलोचनाको केन्द्र बन्नु भएको थियो ।
ह्वाइट हाउसमा सम्वोधन गर्दै ओबामाले सीनेटले केरीको नाममा मन्जुरी दिने विश्वास व्यक्त गर्नु भएको छ । नोभेम्बरमा दोस्रो कार्यकालका लागि निर्वाचित भएपछि राष्ट्रपति ओबामाको मन्त्रिपरिषद्मा स्थान बनाउने केरी पहिलो व्यक्ति हुन् । बीबीसीका अनुसार रक्षामन्त्री लियोन पनेटाका स्थानमा नयाँ रक्षामन्त्री आउने छन् ।
सन् २००४ मा जर्ज डब्लु बुसविरुद्ध राष्ट्रपतिको चुनाव लडेका केरी २००८ मा विदेशमन्त्रीको दौडमा हुनुहुन्थ्यो तर, हिलारी क्लिन्टनले बाजी मार्नु भएको थियो ।
यसमा तपाइको मत
सम्बन्धित शीर्षकहरु
- एसडिबिएलका पूर्व सञ्चालक सिलवाल पक्राउ
- डलर पुनः उकालो, भारतभन्दा एक रुपैयाँ महँगो
- नेतासँग दिक्क भएपछि बिरालो, गधा र कुखुरा उम्मेदवार
- बाढी पीडितलाई राहत प्रदान गर्न बालुवाटारमा बैठक
- आगलागीपीडितलाई तीस घर हस्तान्तरण
- भारतमा बाढीबाट ज्यान गुमाउनेको संख्या ७० पुग्यो
- ज्ञानेन्द्रले भने- मैले गर्ने समय आएको छैन, आएपछि गरौंला (भिडियोसहित)
- वैद्य र प्रचण्डलाई मिलाउन तीनतिरबाट प्रयास
- निगम र संचय कोषवीच ऋण सम्झौता, डेढ बर्षभित्र जहाज आउने
- दार्चुलाका बाढीपीडितको प्रश्न- राहत कहिले पाइन्छ सिडियो सा’प ?
