साहुले जग्गा हडपेपछि ओडारमा बास

८ पुस, धादिङ । वरपर अनकन्टार जंगल । छेउवैमा कहालीलाग्दो भीर । भरुको फेदमा ठूलो ढुंगाको कोप्चेरोभित्र साँघुरो ओडार । हो, त्यही ओडारले सुमनसिंह चेपाङको परिवारलाई आश्रय दिँदै आएको छ ।

सुमनको सात बर्ष अघिसम्म गाउँमा एउटा घर र तीन रोपनी पाखोबारी थियो । घरव्यवहार चलाउन छिमेकीसँग लिएको ऋणले साँवाव्याज गरेर ३० हजार रुपैयाँ नाघेपछि साहुले घर र पाखोबारी हडपेका कारण सुमनको परिवार दमारमा रहेको जंगलस्थित ओडारमा जान बाध्य भएको आजको अन्नपूर्ण पोष्ट तथा विभिन्न दैनिक पत्रिकाले खबर छापेका छन् ।

साहुको ऋण तिर्न नसकेर जेथा गुमेपछि विरत्तिएर जंगल छिरेका सुमन र पत्नी चन्द्रकुमारीले जीवन निर्वाहका लागि दाउरा बेच्ने पेसा अँगाल्दै आएका छन् । उनीहरुले दुई दिन लगाएर दाउरा भेला पारी बेच्न मौवाखोलास्थित सडकमा पुग्छन् । ‘दाउरा बेचेर आएको पैसाले साँझ विहान खानेकुराको जोहो गर्छु,’ सुमनले भने ‘दाउरा बेच्न जान नसक्दा धेरै दिन वनमा भेटिने जंगली साग र कन्दमुलले भोक टार्छौ ।’

सुमन र चन्द्रकलाका साथमा तीन छोरी र एक छोरा छन् । १५ बर्ष नाघेका दुई छोरीले भने भर्खरै आफुखुसी विहे गरेका छन् । उनका परिवारका सदस्यहरुमा न एकसरो बाक्लो कपडा छ न ओढ्ने ओछेयाउने । खाना पकाउने एउटा पुरानो कालो कसौंडी र खाना खानका लागि चारवटा स्टिलका थाल छन् ।

साथमा रहेका १३ वर्षकी ठूली कान्छी छोरी, १२ बर्षकी काँइली, तीन बर्षकी पविता र ६ बर्षको छोराले विद्यालय देखेका छैनन् ।

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• मलाई भारतीय दूत भन्नेहरु पागल हुन् : अमरेश सिंह
• संविधानसभाको निर्वाचन मंसिरमै हुन्छ : सिटौला
• साहित्यिक ढर्रा… मञ्च खाली, सहभागी सबै प्रमुख अतिथि !
• लोकतान्त्रिक गणतान्त्रिक गठबन्धनको बैठक बस्दै
• उच्चस्तरीय राजनीतिक संयन्त्रले निर्वाचन विरोधी दलहरुसँग छलफल गर्दै