२७ लाख विद्यार्थीको प्रमाणपत्र वेबसाइटमा

८ पुस, काठमाण्डौं । करिब २७ लाख विद्यार्थीको एसएलसीको प्रमाणपत्रको आधिकारिकता इन्टरनेटबाटै जाँच गर्न सकिने नयाँ व्यवस्था शुरु भएको छ । परीक्षा नियन्त्रण कार्यालयले एसएलसी परीक्षा उर्त्तीण गरेका २०५७ देखि २०६८ सम्मका परीक्षार्थीको प्रमाणपत्र आफ्नो वेबसाइटमा राखिदिएको छ । पनिकाले सुरु गरेको ‘अनलाइन भेरिफिकेसन’ सुविधाबाट ती अवधिमा एसएलसी परीक्षा उर्त्तीण गरेका विद्यार्थीको प्रमाणपत्रको आधिकारिकता थाहा हुने भएको हो ।

परीक्षा नियन्त्रक खगराज बरालले भन्नुभयो, ‘प्रमाणपत्रको भेरिफिकेसनका लागि अब पनिकामा आएर निवदेन दिइरहनु पर्दैन् । घरमै बसेर पत्ता लगाउन सकिन्छ ।’ त्यस १२ बर्ष अवधिमा नियमित, एक्जाम्टेड र पूरक गरेर २७ लाखभन्दा बढी विद्यार्थीले एसएलसी परीक्षा उर्त्तीण गरेको पनिकाको तथ्यांक छ ।

विशेषगरी विभिन्न संस्था, नेपालस्थित विदेशी दूतावासलगायतले नोकरीका लागि आवेदन दिएकाहरुको एसएलसी परीक्षाको प्रमाणपत्र सक्कल हो वा होइन भनेर पनिकामा प्रमाणिकरणका लागि नियमितजसो नै पठाउने गरेको गोरखापत्र दैनिकमा खबर छ ।

परीक्षा नियन्त्रक बरालले लोकसेवा आयोग, सेना, प्रहरी, अख्तियार दुरुपयोग अनुसन्धान आयोगलगायतका निकायलाई पनि २०५७ देखि २०६८ सालसम्म एसएलसी परीक्षा उर्त्तीण गरेका ुरोजगार व्यक्तिको प्रमाणपत्र हेर्न सहज हुने बताउनुभयो ।

समाचार

• बैशाख महिनामा २२७ वटा महिला हिंसाका घटना
• नहारेका ‘राजावादी’ भन्छन्- म त कवाडी भैहालें
• गृहमन्त्रीको आश्वासनपछि पूर्वसभासद् हकको अन्त्येष्टि गर्न परिवार सहमत
• महतोको अनशनमा प्रहरी हस्तक्षेप, अस्पताल भर्ना
• रेग्मीको विरोधमा पापडको र्‍याली