रियल मड्रिड बार्सिलोनाभन्दा १६ अंकले पछि

८ पुस, काठमाडौं । स्पेनिस ला लिगा फुटबलमा लिग लिडर बार्सिलोनाले अपराजित यात्रा कायमै राख्दा डिफेण्डिङ च्याम्पियन रियल मड्रिड पराजित भएको छ ।

हारसँगै बार्सिलोनाभन्दा १६ अंकले पछि परेको रियल मड्रिड लगभग उपाधि होडबाट बाहिरिएको छ । रियलका प्रशिक्षक जोशे माउरिन्होले भनेका छन्–‘हामी गतवर्ष च्याम्पियन बन्दा दोस्रो स्थानको टोलीभन्दा ९ अंकले अघि थियौं । यस सिजनमा हामी धेरै टाढा छौं । मेरो विचारमा अब धेरै टाढा छ ।’

यद्यपी उनले राजीनामा भने नदिने बताए । उनले भने–‘म विल्कुल चिन्तित छैन र राजीनामा दिन गइरहेको छैन । म बच्चा हैन र मलाई थाहा छ रिजल्टको संख्या ।’

शनिबार राति लिग लिडर बार्सिलोनाले भल्लाडोलिडलाई ३–१ गोल अन्तरले पराजित गरेको छ । बार्सिलोनाको जितमा लिओनल मेस्सी, जाभी र टेलोले समान १–१ गोल गरे । यससँगै लिओनल मेस्सीको सन् २०१२ मा ९१ गोल गरेका छन् । उनले हालै मात्र गर्ड मुलरको एक क्यालेण्डर वर्षमा सर्वाधिक ८५ गोलको ४० वर्षको कीर्तिमान भंग गरेका थिए ।

अर्को खेलमा एथ्लेटिको मड्रिडले सेल्टाभिगोलाई १–० ले पराजित गरेको छ भने डिफेण्डिङ च्याम्पियन रियल मड्रिड मालागासँग ३–२ ले पराजित भएको छ । बार्सिलोनाको १७ खेलबाट ४९ अंकसहित शीर्ष स्थानमा छ भने एथ्लेटिको मड्रिड ४० अंकसहित दोस्रो स्थानमा छ । तेस्रो स्थानमा रहेको रियल मड्रिडको भने ३३ अंक मात्र छ र उ बार्सिलोनाभन्दा १६ अंक र एथ्लेटिको मड्रिडभन्दा ९ अंकले पछि छ ।

समाचार

• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ
• बैशाख महिनामा २२७ वटा महिला हिंसाका घटना