तस्करी रोक्न अब खुर्सानी बम

सीमा क्षेत्रमा हुने घसपैठ र र तस्करी सुरक्षाकर्मीहरुका लागि चूनौती बन्दै आएको छ । चाहे त्यो नेपाल-भारत सीमाको होस् वा भारत-बंगलादेशको ।

भारत-बंगलादेश सीमा क्षेत्रमा हुने घसपैठ र र तस्करी रोक्न भारतीय सीमा सुरक्षा बलले पछिल्लो दिन नयाँ तरिकाको हतियार परीक्षण गरिरहेको छ । यसलाई खुर्सानी बम अर्थात खुर्सानी ग्रिनेड भनिन्छ ।

पहिलोपटक प्रयोग गरिएको यो हतियार केही हदसम्म अश्रु ग्यास जस्तै भएको अधिकारीहरुले बताएका छन् । यो फायर गर्दा तस्करहरुको आँखामा आँसु आउँछ भने केहीबेरसम्म देख्न सक्दैनन् । खुर्सानी आँखामा पर्दा जस्तो पीडा हुन्छ, तस्करले त्यस्तै महसुस गर्नेछन् ।

यसको प्रयोगले तस्करहरुलाई प्रक्राउ गर्न सहयोग पुग्ने भारतीय सीमा सुरक्षा अधिकारीहरुको भनाई छ । यसमा सामान्य रुपमा बजारमा पाइने खुर्सानी प्रयोग गरिएको छैन । असम र नागाल्याण्ड इलाकामा पाइने अत्यन्तै पिरो खुर्सानी प्रयोग गरिएको सीमा अधिकारीहरुले बताएका छन् ।

समाचार

• कञ्चनजंघा आरोहण गरेर फर्कदै गरेका पाँचको मृत्यु
• क्यामरासँग डराउँदै रेग्मीले भने-एकलव्य भएर लाग्छु
• शिक्षकले चिट चोर्ने डरले परीक्षामा कडाई !
• संविधानसभा अगाडि गाई बहुलायो (भिडियोसहित)
• योजना आयोगको उपाध्यक्षमा शाक्य, सुकुम्बासी आयोग खारेज