विदेशीभन्दा कम छैनन् नेपाली जुत्ता

९ पुस, काठमाडौं । नेपालमा उत्पादित छाला जुत्ताको प्रदर्शनी सोमबारबाट राजधानीमा सुरु भएको छ । राष्ट्रिय सभागृहमा  १५ गतेसम्म चल्ने प्रदर्शनीमा स्काई सुज, वि एफ डियर हिल र शिखर सुजसहितका नेपाली कम्पनीका ८० भन्दा बढी स्टल राखिएको छ ।

पछिल्लो समय नेपाली उत्पादनमा उपभोक्ताहरुको आकर्षण बढ्दै गएको व्यवसायीहरु बताउँछन् । ‘अहिले नेपाली छाला जुत्ताको बजार ५५ प्रतिशत छ’ छाला जुत्ता तथा वस्तु उत्पादक संघका अध्यक्ष होमनाथ उपाध्यायले भन्नुभयो-’अब धेरै नेपालीहरुले नेपालकै उत्पादन प्रयोग गर्न थालिसकेका छन् ।’ उहाँका अनुसार नेपालमा करिव ५ सय उद्योग छन् भने त्यसमा २५ हजारले प्रत्यक्ष रोजगारी पाएका छन् । ती उद्योगहरुमा करिव २ अर्बको लागानी छ ।

स्काइ सुज

स्काइले अल्लो र हेमबाट बनेको जुत्ता बजारमा ल्याएको छ । जारी प्रदर्शनीमा यो धेरैको आकर्षणको केन्द्र बनेको छ । ‘यसलाई अन्तराष्ट्रिय बजारमा पुर्‍याउन सके निकै राम्रो व्यापार हुनसक्छ’ जुत्ता हेरेपछि नेपाल उद्योग बाणिज्य महासंघका वरिष्ठ उपाध्यक्ष भास्करराज कणिर्कारले भन्नुभयो । हाल पुरुषका लागि उपलब्ध यो जुत्ताको मूल्य २ हजारदेखि ३५ सयसम्म छ । तीन लेयरमा बनेकाले अन्य छालाका जुत्ताजतिकै बलियो हुने स्काइका अध्यक्ष मनोज श्रेष्ठले बताउनुभयो ।

आफूहरुले संख्यामा भन्दा गुणस्तरमा ध्यान दिएको भन्दै उहाँले भन्नुभयो-’बजारमा माग अनुसार सप्लाइ गर्न गाह्रो छ । हाम्रो जुत्ता स्माट, न्याचुरल र गुणस्तरीय छ ।’ स्काइले ११ सयलेखि ३५ सय मूल्य पर्ने छाला तथा सावरका विभिन्न स्टाइलका जुत्ता बजारमा ल्याएको छ ।

फिट राइट

नेपालमा चलेको ब्राण्डमध्येको एक फिट राइटले १४ सयदेखि ४ हजार ५ सय मूल्य पर्ने स्पोट्स, क्याजुअल, पाटेसुज, बुट ल्याएको छ । ‘हामी आफ्नो उत्पादनमा वारेन्टी दिने पहिलो नेपाली कम्पनी हौं’ बजार प्रमुख विष्णु पौडेलले भन्नुभयो-’गुणस्तरमा हामी विदेशी ब्राण्डभन्दा कम छैन । अझ राम्रो छौं ।’

देशभर करिव ५० बटा शाखा विस्तार गरिसकेको फिट राइटले उपभोक्ताहरुको मागअनुुसार नै उपलब्ध गराउने दाबी गरेको छ ।

शिखर सुज

शिखर सुजले जाडोलाई मध्यनजर गर्दै क्याजुकल स्पोट्स र सावरका जुत्ताहरु ल्याएको छ । यसको मूल्य १५ सयदेखि ३ हजारसम्म छ । यस्तै उसले बच्चाहरुलाई, युवतीहरु र पार्टी सुज ल्याएको छ ।

शिखर सुजका १ हजार ५ सयदेखि ६ हजारसम्मका जुत्ता रहेको छ । ‘दैनिक १ हजारदेखि १५ सयसम्म उत्पादन हुन्छ’ शिखर सुजका शोरुम म्यानेजर दिनेश श्रेष्ठले भन्नुभयो- ‘हाम्रो उत्पादनको गुणस्तर विदेशीभन्दा कम छैन । तर मूल्य कम छ ।’

वि एफ डियर हिल

नेपालमा चलेको ब्राण्डमध्येको एकले सबैखाले जुत्ता उत्पादन गर्छ । जाडोलाई लक्षित गरी १ हजारदेखि २५ सयसम्मका स्पोट्स तथा सावरका जुत्ता ल्याएको छ । ‘हाम्रो जुत्ता गाउँ गाउँसम्म पुगेको छ’ छाला जुत्ता तथा बस्तु उत्पादक संघका अध्यक्ष समेत रहेका वि एफ डियर हिलका प्रमुख उपाध्ययले भन्नुभयो-’हाम्रो जुत्तामा गुणस्तर छ । तर, विदेशी ब्राण्डका नाममा नक्कली जुत्ताहरुको बिगबिगी बढेको छ ।’ उहाँले आफूहरु देशभर नै एकै मूल्यमा जुत्ता चप्पल उपलब्ध गराउने प्रयासरत रहेको बताउनुभयो ।

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• सरकार र सद्भावनाबीचको वार्ता आज पनि
• मधेसका तीन ‘मसिहा’ भिन्नै मोर्चाको तयारीमा
• कोइराला पक्षले भन्यो- ‘यस्तै हो भने देउवालाई दिए हुन्छ’
• बुद्धको प्रतिमा बनाउन एनआरएनद्वारा एक करोड सहयोग
• चुनाववाट एमाले पहिलो पार्टी बन्छ : खनाल