बीबी एयरवेज जहाजबिहीन

१० पुस, काठमाण्डौ । गैरआवासीय नेपालीको लगानी रहेको बीबी एयरवेज जहाजबिहीन भएको छ ।

बीबीलाई बिमान भाडामा दिइरहेको ताइवानस्थित टोन्लेसाप कम्पनीले आन्तरिक समस्याका कारण जहाज फिर्ता लगेपछि एकमात्र बिमानका भरमा चलेको बीबी बिमानबिहीन भएको हो ।

आइतवार र सोमबार साँझ मलेसियाको क्वालाम्पुर उड्नुपर्ने बिमान शनिवार साँझ अचानक फिर्ता गएको बीबी एयरवेज स्रोतले बताएको छ । जसका कारण आइतवार साँझको क्वालालम्पुर उडान स्थगित हुँदा यात्रु त्रिभुवन बिमानस्थलमै अलपत्र परेका थिए । क्वालालम्पुरबाट काठमाण्डौ आउने केही यात्रुलाई नेपाल एयरलाइन्सबाट पठाइएपनि केही यात्रु क्वालालम्पुर बिमानस्थलमा अपलत्र परेको बताइएको छ । पूर्व सूचनाबिनै बिमान फिर्ता लगिदिएपछि टिकट लिएका यात्रुहरुलाई एयर एसियाको बिमानमार्फत पठाउने तयारी गरिरहेका छ ।

बीबी एयरवेजले नियमित मर्मतसम्भारका लागि फिर्ता गएको भन्दै सूचना जारी गरेको छ । तर सेल्स एजेन्टहरुलाई भने कम्पनीले नयाँ बिमान किन्ने योजना बनाएको र त्यसका लागि समय लाग्ने सूचना दिइसकेको छ । स्रोतका अनुसार बीबी एयरले ड्राइ लिजमा अर्को बिमान कम्पनीको बिमान ल्याउने योजना बनाएको छ ।

यसअघि पनि नेपालबाट अन्तराष्ट्रिय उडान थालेका बिमान कम्पनीहरु असफल हुँदै आएका छन् । यति एयर फ्लाई यति र एयर नेपाल इन्टरनेशनल बिमान भाडामा दिने कम्पनीसँगको असमझदारी र कमजोर ब्यबस्थापनका कारण बन्द भएका थिए । बीबीले पनि उडान सुरु गरेको तीन महिनामै खराव दिनको सामना गर्नुपरेको छ ।

बीबी एयरवेजमा जापानमा कार्यरत गैरआवासीय नेपाली भवन भट्टको लगानी रहेको छ । बीबीले टोन्लेसाप कम्पनीबाट वेट लिज (बिमानसहित चालकदलका सदस्य र परिचारिकासमेत) मा बिमान ल्याएर चलाइरहेको थियो ।

समाचार

• योजना आयोगको उपाध्यक्षमा शाक्य, सुकुम्बासी आयोग खारेज
• कञ्चनजंघा आरोहण गरेर फर्कदै गरेका पाँचको मृत्यु
• क्यामरासँग डराउँदै रेग्मीले भने-एकलव्य भएर लाग्छु
• शिक्षकले चिट चोर्ने डरले परीक्षामा कडाई !
• संविधानसभा अगाडि गाई बहुलायो (भिडियोसहित)