प्रधानमन्त्रीको सम्मानजनक बर्हिगमनका लागि कांग्रेस तयारः रिजाल

१० पुस, काठमाडौं । नेपाली कांग्रेसका नेता डा. मिनेन्द्र रिजालले प्रधानमन्त्रीको सम्मानजन बर्हिगमनका लागि कांग्रेस तयार रहेको बताउनु भएको छ । तर, अहिलेको सरकारको नेतृत्वमा काग्रेस जाने कुरा असम्भव रहेको उहाँले स्पष्ट पार्नुभयो ।

रिपोर्टर्स क्लब नेपालले मंगलबार आयोजना गरेको साक्षात्कारमा रिजालले निर्वाचनको मिति, बाधा अड्काउ फुकाउ, निर्वाचन कानून बनाउने, संविधानसभाको सदस्य संख्या र निष्पक्ष निर्वाचनको लागि उच्चस्तरीय राजनीतिक संयन्त्र निर्माणको विषयमा सहमतिको नजिक पुगे पनि प्रधानमन्त्रीले आफ्नो नेतृत्वमा सहभागिताको कुरा उठाएर सहमति भाडेको आरोप लगाउनु भयो । कांग्रेसलाई आर्कषक मन्त्रालयको प्रस्ताव गरेर पार्टी फुटाउने षडयन्त्र प्रधानमन्त्रीले गरेको भन्दै रिजालले काग्रेसले सत्ताको लागि सिद्धान्त नसाट्ने दावी बताउनु भयो ।

प्रधानमन्त्रीले छिमेकी भारत र नेपाली सेनालाई द्धन्द्धमा तान्ने प्रयास गरेको रिजालले भन्नुभयो-’नेपाली सेना, नेपाल-भारतबीचको सम्बन्ध विगार्ने काम नगर्नुस । आफ्नो गरिमा र सिमा भित्र रहेर बोल्नुस । एक ब्यक्तिको लागि भारत र नेपालको सदियौ देखिको सम्बन्धलाई विवादमा तान्ने प्रयास नगर्नुस ।’

एमाले नेता भीम रावलले प्रधानमन्त्री आफै नहटे स्वेच्छाचारी प्रबृत्तिलाई हटाउने माध्यम आन्दोलन बाहेक भएको बताउनु भयो । सरकारले घोषणा गरे जस्तो बैशाखमा निर्वाचन हुनै नसक्ने भन्दै उहाँले तत्काल सहमति भए पनि जेठको दोस्रो सातासम्म मात्रै निर्वाचन हुन सक्ने दावी गरे ।

राष्ट्रिय जनशक्ति पार्टीका सहअध्यक्ष डा. प्रकाशचन्द्र लोहनीले भट्टराईको नेतृत्वमा सहमति जुट्दा पनि आफूहरुलाई कुनै आपत्ति नहुने स्पष्ट पार्नुभयो । थोरै समयको लागि भए पनि काग्रेस र एमाले आफ्नो नेतृत्वमा सहभागि हुनु पर्ने भनाई प्रधानमन्त्रीको बालहठमात्रै भएको टीप्पणी गर्दै उहाँले यो चरित्र नै अहिले सहमतिको वाधक भएको दावी गर्नुभयो ।

समाचार

• पर्शुराम र गणेश लामालाई एमाले र फोरमको संरक्षण जारी
• लोकमानलाई अख्तियार प्रमुख मान्दैनौः ज्ञवाली
• काम गर्ने मान्छे नभएपछि बुढाबुढी सकी नसकी मेलामा
• बीच सडकमा भेटेको बच्चा देउता जस्तो : ट्रकचालक
• आदिवासी जनजातिलाई थ्रेसहोल्ड अस्वीकार्य