नेपाली चेलीको बिक्रि: मुम्बईमा घट्यो, खाडीमा बढ्यो

११ पुस, काठमाण्डौं । मुम्बई कुनै बेला नेपाली चेलीहरु सबैभन्दा बढी बेचिने सहरका रुपमा चिनिन्थ्यो । तर, यतिबेला मुम्बईमा बेचिने नेपाली चेलीको संख्या घट्न थालेको छ ।

झन्डै दुई दशकदेखि चेलीबेटी बेचबिखन रोकथाम, कोठीहरुबाट चेलीहरुको उद्धार तथा पुनःस्थापनाका क्षेत्रमा काम गर्दै आएको रेस्क्यु फाउन्डेसन मुम्बईकी अध्यक्ष त्रिवेणी अचार्यका अनुसार बढ्दो जनचेतना, अधिकारवादी संघसंगठन र सुरक्षा निकायको सक्रियताका कारण नेपालबाट मुम्बईमा नेपाली चेली बेच्न लैजाने क्रम घटेको राजधानी दैनिकमा खबर छ । अशिक्षा, गरिबी, अभाव, अज्ञानताका कारण नेपाली चेलीहरु मुम्बईमा बेचिने क्रम नरोकिएपनि बेचिने नेपाली चेलीहरुको संख्या भने ह्वात्तै घटेको आचार्यले बताईन् ।

उनले भनिन् ‘केही समयअघि मुम्बईमा बेचिने ९९ प्रतिशत नेपाली चेली हुन्थ्ये । अहिले यो संख्या घटेर ५ प्रतिशतमा पुगेको छ ।’ चेलीबेटी बेचबिखन रोकथामका लागि गाउँ सम्म पुगेको जनचेतना र प्रचारप्रसारका कारण यो क्रम घटेको उनले बताइन् ।

नेपाली चेलीहरु अहिले भने खाडी मुलुकमा बेचिने गरेको आचार्यले बताईन् । मुम्बई लैजान असफल भएपछि अहिले नेपाली चेलीहरुलाई दलालहरुले खाडी मुलुकहरुमा पुर्‍याउन थालेका छन् । वैदेशिक रोजगारको बाहना बनाएर खाडी मुलुक लगिएका चेलीहरु नै यौन शोषणमा पर्ने गरेको रेस्क्यु फाउन्डेसनकी अध्यक्ष आचार्यले भनिन् ।

समाचार

• बुद्धजयन्तीले प्रेमको सन्देश फैलाओस्ः राष्ट्रपति
• चुनावी अवरोध हटाउन दलहरुलाई राष्ट्रसंघ महासचिवको आग्रह
• पुस्तक मेला- कुन किताब कस्ता छन् ?
• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा