बाँसबारीले आरसीटीको अपराजित यात्रामा पूर्णविराम लगायो

११ पुस, काठमाडौं । राजधानीमा जारी सहिद स्मारक ए डिभिजन लिग फुटबलमा रेलिगेशनबाट बच्न संघर्षरत  बाँसबारीले लिग लिडर रानीपोखरी कर्नर टिम आरसीटीलाई पराजित गरेको छ ।

बुधबार भएको खेलमा २-० को अप्रत्यासित नजिता निकाल्दै बाँसबारीले पहिलो जित दर्ता मात्र गरेन, आरसीटीको अपराजित यात्रामा पनि पूर्णविराम लगाएको छ । हारपछि आरसीटीले दोस्रो स्थानमा रहेको थ्रीस्टारसँगको अंक दुरी बढाउने मौका गुमाएको छ ।

आरसीटीको ९ खेलबाट २० अंक छ भने दोस्रो स्थानमा रहेको थ्रीस्टारको ८ खेलबाट १९ अंक छ । बाँसबारी भने ५ अंकका साथ पुछारबाट दोस्रो स्थानमा छ ।

त्रिपुरेश्वरस्थित दशरथ रंगशालामा बाँसबारीको जितमा विदेशी खेलाडी मोमोडू नायक बने । खेलको २७ औं मिनेटमा गोल गर्दै बाँसबारीलाई अग्रता दिलाएका मोमोडूले ४७ औं मिनेटमा अग्रता दोब्बर पारे ।

आरसीटीले खेलको ५४ औं मिनेटमा पाएको पेनाल्टी पनि सदुपयोग गर्न सकेन । युगलकिशोर राईको प्रहार बाँसबारीका गोरक्षक अजित प्रजापतिले उत्कृष्ट बचाउ गरे । आरसीटीले खेलमा र्फकने प्रयास गरेपनि सकेन र पहिलो हार स्वीकार गर्न बाध्य भयो ।

अर्को खेलमा हिमालयन शेर्पाले बौद्धलाई १-० गोल अन्तरले पराजित गरेको छ । हिमालयन शेर्पाको जितमा हेमन गुरुङले ७० औं मिनेटमा निर्णायक गोल गरे । जितपछि हिमालयन शेर्पा ९ खेलबाट १० अंकका साथमा नवौं स्थानमा उक्लिएको छ भने बौद्ध १ अंकका साथ अंक तालिकाको पुछारमा छ ।

समाचार

• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ
• बैशाख महिनामा २२७ वटा महिला हिंसाका घटना