फेरि युवतीलाई जलाएर मारियो

११ पुस, वीरगञ्ज । बर्दियाकी शिवा हासमीलाई जलाएर हत्या गरेको घटना सेलाउन नपाउँदै बारामा अर्की युवतीको जलाएर हत्या भएको छ ।

बारा प्रस्टोका-५ का रामबहादुरकी १८ वषिर्या छोरी बिन्दुकुमारी ठाकुरको शव जलाएर हत्या गरिएको अवस्थामा भेटिएको हो । उनको शव घरबाट करिव ५० मिटर पर भेटिएको थियो । बिन्दु स्थानीय नेरामावि प्रस्टोका कक्षा १० मा अध्ययनरत थिइन् ।

उनको शव जलेको अवस्थामा रहेको भेटिएको थियो । तर, भेटिएको स्थानमा आगो लगाएको कुनै संकेत नदेखिएकाले घटना शंकास्पद भएको प्रहरी निरिक्षक रामनाथ घिमिरेले बताउनु भयो । ‘शव भेटिएको माथिल्लो पट्टी सिमीको झाल छ, तर आगो लगाएको कुनै शंकेत छैन’ उहाँले भन्नुभयो-’घटना अन्तै घटाएर शव त्यहाँ ल्याएको पनि हुनसक्छ वा हत्या गरेर आगो लागेको देखाउन पनि त्यसो गरिएको हुनसक्छ ।’

विन्दुका आमाबाबुका अनुसार उनीसँगै ट्युसन पढ्न विहानै विद्यालय जाने गर्थिन । सधै झैँ बुधबार पनि ट्युसन गएको होला भन्ने सोचेको तर, बाहिर छोरीको चप्पल देखेपछि सोधीखोजी गरेको उनीहरुले बताएका छन् । विहान करिव ४ बजेसम्म छोरी घरमै रहेको उनीहरुको भनाई छ ।

घटनापछि प्रहरीले संकास्पद व्यक्तिहरुसँग सोधपुछ गरिरहेको छ भने विन्दुको घर र गाउँमा निगरानी बढाएको छ । परिवारले छोरीको हत्या भएको भन्दै छानविनको माग गर्दै निवेदन दिएपनि कसैमाथि किटानी जाहेरी भने दिएका छैनन् ।

समाचार

• उर्मिला अर्याललाई ओलीको प्रश्न-जति खाँदा पनि पुगेन ?
• राप्रपा र राजपाको महाधिवेशनः आलोपालो नेतृत्व अस्वीकार
• यो हो पश्चिम नेपाल (फोटोफिचर)
• एक चक्र भएका कृष्ण पहाडी अब उपन्यासकार
• थ्रेसहोल्डको अडान छाड्दैनौं : कांग्रेस-एमाले