महिला हिंसाका घटना प्रति प्रधानमन्त्री स्तव्ध

दोषि माथि कडा कारवाहि चलाउन निर्देशन

१४ पुस, काठमाण्डौ । पछिल्लो क्रममा देशका विभिन्न स्थानमा महिला हिंसाका घटनामा बृद्धि भएकोमा प्रधानमन्त्री डा. बावुराम भट्टराईले आफु स्तव्ध भएको बताउनु भएको छ ।

शुक्रबार प्रधानमन्त्री निवास वालुवाटारमा राष्ट्रिय महिला आयोग लगायत महिला अधिकारकर्मीहरुको प्रतिनिधिमण्डल सँगको भेटमा प्रधानमन्त्रीले घटनाका दोषीहरु माथि कडा भन्दा कडा कारवाही गरिने बताउनु भयो । महिला आयोग, अधिकारकर्मी रेणु राजभण्डारी लगायतको एक टोलिले शुक्रबार प्रधानमन्त्री सँग भेट गरेको थियो ।

अनामनगरमा रहस्यमय तरिकाबाट मृत अवस्थामा फेला परेकी सरस्वती अधिकारी -सुवेदी)को पुनः पोष्टमार्टम गरी अनुसन्धान प्रक्रिया अगाडि बढाउन प्रहरी महानिरिक्षकलाई प्रधानमन्त्रीले निर्देशनसमेत दिनुभएको छ । सो घटनाका आरोपित व्यक्तिहरुलाई तुरुन्त गिरफ्तार गरी कारवाहिको प्रक्रिया अगाडि बढाउन पनि उहाँले निर्देशन दिनुभएको छ ।

प्रधानमन्त्री भट्टराईले शुक्रवार मृतक सुवेदीकी आमा र वहिनीलाई भेटी दोषिलाई कडा भन्दा कडा कारवाही गरिने प्रतिवद्धा जनाउनु भएको थियो ।

त्यस्तै वैदेशीक रोजगारवाट फर्केकी भोजपुरकी एक युवती माथि त्रिभुवन विमानस्थलको अध्यागमन विभागमा भएको लुटपाट र वलत्कार सम्वन्धी केसमा बिहिवार वसेको मन्त्रीपरिषदले ठोष निर्णय लिएको बताउँदै प्रधानमन्त्रीले घटनामा संलग्न प्रहरीलाई हदै सम्मको कारवाहि गर्न र कर्मचारीहरुलाई गिरफ्तार गरी कारवाहिको प्रक्रिया चलाउन निर्देशन दिएको जानकारी गराउनु भयो । यता लामो समयदेखि वेपत्ता छोरी मैया मर्हनको खोजि कार्यलाई तिव्र बनाउन प्रधानमन्त्रीले सुरक्षा निकायलाई निर्देशन दिनुभएको छ ।

समाचार

• लोकतान्त्रिक गणतान्त्रिक गठबन्धनको बैठक बस्दै
• उच्चस्तरीय राजनीतिक संयन्त्रले निर्वाचन विरोधी दलहरुसँग छलफल गर्दै
• उर्मिला अर्याललाई ओलीको प्रश्न-जति खाँदा पनि पुगेन ?
• राप्रपा र राजपाको महाधिवेशनः आलोपालो नेतृत्व अस्वीकार
• यो हो पश्चिम नेपाल (फोटोफिचर)