टुडिँखेलमा तमु ल्होसारको रौनक (फोटो फिचरसहित)

१५ पुस, काठमाण्डौं । देशभरका गुरुङ समुदायले आइतबार तमु ल्होसार पर्व मनाएका छन् । ‘ल्हो’ भन्नाले वर्ष तथा ‘सार’ भन्नाले ‘नयाँ’ भन्ने बुझाउँछ । प्रत्येक वर्ष ल्होसारका अवसरमा आफ्ना मान्यजनबाट आशीर्वाद लिने र  शुभकामना आदानप्रदान गरिन्छ । साथै नयाँ लुगा लगाउने, सेलरोटी, खिरलगायत मीठा मीठा खानाका परिकार बनाएर खाने र नाचगान गरि रमाइलो गर्ने परम्परा छ ।

तमु ल्होसारको अबरसरमा राजधानीको टुडिँखेलमा विशेष समारोहको आयोजना गरिएको छ । समारोहमा गुरुङ समुदायका विभिन्न भेषभुसा सहितको झाँकी प्रदर्शन गरिएको थियो ।

नयाँ वर्षका रूपमा ल्होसार पर्व नेपालमा तामाङ, सेर्पा, गुरुङ, मगर, थकाली, जिरेल, नेस्याङ्वा, भोटे, दुरा र लेप्चालगायतका जातिले पनि मनाउने गर्छन् । तामाङलगायतका जातिले माघ शुक्ल प्रतिपदाका दिन सोनाम ल्होसारका रूपमा तथा सेर्पालगायतका जनजातिले फागुन शुक्लप्रतिपदाका दिनदेखि ग्याल्पो ल्होसार मनाउने गर्छन् ।  प्रत्येक १२ वर्षमायुग परिवर्तन हुने र यीवर्षलाई मुसा, गोरु, बाघ, खरायो, बिरालो, गरुड, सर्प, घोडा, भेडा, बाँदर,  कुकुर र बँदेलका प्रतिकका रूपमा लिइन्छ । यो वर्ष गुरुङ जातिले गरुड वर्ष बिदाइ गरेर सर्प वर्षका रूपमा स्वागत गर्दैछन् । नेपाल सरकारले यो पर्वलाई २०६४ सालदेखि  राष्ट्रिय पर्वका रूपमा मान्यता दिई सार्वजनिक बिदा पनि दिनथालेको छ ।

तमु ल्होसारको उपलक्ष्यमा शुभकामना दिनुहुँदै राष्ट्रपति डा रामवरण यादव, प्रधानमन्त्री डा बाबुराम भट्टराई लगायतले सम्पूर्ण तमु समुदायका दिदीबहिनी तथा दाजुभाइको सुख, शान्ति र समृद्धिको कामना गर्नुभएको छ । सन्देशमा डा यादबले सन्देशमा हिमाल, पहाड र तराई मधेसमा बस्ने सबै नेपालीबीच बान्धुत्व र एकताको भावना बढाउने कार्यमा यस्ता राष्ट्रिय पर्वहरूले सहयोग पुर्‍याउने विश्वास व्यक्त गर्नुभएको छ ।

तस्वीरः विकास श्रेष्ठ/अनलाइनखबर

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• योजना आयोगको उपाध्यक्षमा शाक्य, सुकुम्बासी आयोग खारेज
• कञ्चनजंघा आरोहण गरेर फर्कदै गरेका पाँचको मृत्यु
• क्यामरासँग डराउँदै रेग्मीले भने-एकलव्य भएर लाग्छु
• शिक्षकले चिट चोर्ने डरले परीक्षामा कडाई !
• संविधानसभा अगाडि गाई बहुलायो (भिडियोसहित)