खोकीको उपचारमा एन्टिबायोटिकले काम गर्दैन

एक नयाँ अध्ययनले लामो समयसम्म खोकीले सताएका मानिसहरुको उपचारमा एन्टिबायोटिक औषधिले काम नगर्ने तथ्य पत्ता लगाएको छ ।

युरोपका विभिन्न १२ देशका झण्डै २ हजार मानिसमा गरिएको अध्ययन अनुसार छातिको हल्का संक्रमणका कारण भएको लहरे खोकी एन्टिबायोटिक औषधिको माध्यमबाट निको गराउन सकिँदैन ।

ल्यासेन्ट जर्नलमा छापिएको रिपोर्ट अनुसार एन्टिबायोटिक औषधिको प्रयोग गरेर उपचार गरिएका रोगीमा देखिएका लक्षण र अरु सामान्य औषधिको प्रयोग गरेर उपचार गरिएका रोगीमा देखिएका लक्षणबीच कुनै भिन्नता छैन ।

सामान्य खोकीको लागि एन्टिबायोटिकको कुनै आवश्यकता नहुने भन्दै शोधकर्ताहरुले तर खोकी सँगै निमोनियाको सम्भावना देखिएमा भने एन्टिबायोटिकको प्रयोग अनिवार्य बन्छ ।

शोधकर्ता भन्छन्, खोकी पीडित मानिस जसमा निमोनियाको कुनै शंका छैन त्यसलाई स्वासप्रस्वास जन्य समस्याको उपचारका लागि एमोक्सिलिन एन्टिबायोटिकको कुनै जरुरत छैन र यसले कुनै फाइदा पनि गर्दैन उल्टै नोक्सान पूराउनसक्छ ।

जथाभावी एन्टिबायोटिकको प्रयोगले सरीरमा रहेका जिवाणुको प्रतिरोधी क्षमता बढ्ने र त्यसले अरु औषधिलाई समेत निस्प्रभावी बनाउने खतरा हुने विज्ञहरु बताउँछन् । त्यसैले रुघाखोकी जस्ता सामान्य समस्याको उपचारमा एन्टिबायोटिक्स औषधिको प्रयोग गर्नुको साटो अरु सामान्य औषधि तथा परम्परागत विधिको प्रयोग गर्नुपर्नेमा विज्ञहरुको सुझाव छ ।

समाचार

• मंसिरमा निर्वाचन नभए सरकारको अस्तित्व सकिन्छः एमाओवादी प्रवक्ता
• पुस्तक मेला- कुन किताब कस्ता छन् ?
• कीर्तिमानी आरोही गौतम भन्छन्-सगरमाथा कालो पहाडजस्तो देखें
• नागदह नियाल्दा (फोटोफिचर)
• राष्ट्रिय स्रष्टा सम्मान वरिष्ठ गीतकार थापालाई