ए डिभिजन लिग फुटबलमा पुलिसले आरसीटीलाई हरायो

१८ पुस, काठमाडौं । राजधानीमा जारी सहिद स्मारक ए डिभिजन लिग फुटबलमा डिफेण्डिङ च्याम्पियन नेपाल पुलिसले रानीपोखरी कर्नर टिम आरसीटीलाई पराजित गरेको छ ।

बुधबार भएको खेलमा पुलिसले आरसीटीलाई १-० गोल अन्तरले पराजित गरेको हो । जितपछि पुलिस ११ खेलबाट १६ अंकका साथ सातौं स्थानमा उक्लिएको छ । २० अंक जोडेको आरसीटी पाँचौं स्थानमा छ ।

त्रिपुरेश्वरस्थित दशरथ रंगशालामा भएको खेलमा पुलिसका लागि भोला सिलवालले निर्णायक गोल गरे । उनले १३ औं मिनेटमा पर्वत पाण्डेको फि्र किक बलमा हेड गोल गरेका हुन् । रेफ्रिसँगको झगडाका कारण एक वर्षे प्रतिवन्ध खेपेका ओलावाले विना मैदान आरसीटीलाई पुलिसले दबावमा राखेपनि थप गोल गर्न सकेन र खेल १-० ले जित्यो ।

अर्को खेलमा हिमालयन शेर्पाले न्यूरोड टिम एनआरटीलाई पराजित गरेको छ । पहिलो हापमा २-० ले पछि परेको अवस्थामा दोस्रो हापमा उत्कृष्ट पुनरागमन गर्दै हिमालयन शेर्पाले ७ मिनेटभित्र ३ गोल फर्कायो ।

७ औं मिनेटमा सुशील केसीको गोलबाट अग्रता लिएको एनआरटीका लागि ४२ औं मिनेटमा अजय बिकले गोल गर्दै अग्रता दोब्बर पारे । खेलको ५२ औं मिनेटमा एनआरटीका लक्ष्मण रुचालले गोल गरे पनि रेफ्रीले अफसाइड दिए ।

५४ औं मिनेटमा पुकार गहतराजको स्थानमा अण्डस सिक्सटिनका कप्तान समेत रहेका हेमन गुरुङ मैदान प्रवेश गरेपछि हिमालयन शेर्पाले उत्कृष्ट पुरानगमन गर्‍यो । ५६ औं मिनेटमा धिराज तामाङले गोल गर्दै एनआरटीको अग्रता २-१ मा झारे भने ६० औं मिनेटमा हेमन गुरुङले फ्रि किकमा सोझै गोल गरे । ६२ औं मिनेटमा गणेश खड्काले गोल गर्दै हिमालयन शेर्पालाई ३-२ को अग्रता दिलाए ।

जितपछि ११ खेलबाट १३ अंक जोडेको हिमालयन शेर्पा दशौं स्थानमा उक्लिएको छ भने एनआरटी १६ अंकका साथ छैटौं स्थानमा छ ।

समाचार

• शिक्षकले चिट चोर्ने डरले परीक्षामा कडाई !
• संविधानसभा अगाडि गाई बहुलायो (भिडियोसहित)
• पहिलो मिसनमै सरकार असफल भईसक्योः एमाले सचिव
• झलनाथले बैठक नबस्ने भनेपछि प्रचण्ड रिसाएर चोभारतिर
• सुनको मूल्य ९३ रुपैयाँ बढ्यो, चाँदी स्थिर