बिदेशबाट फर्किंदा टेलिभिजनसँगै टर्चलाइट

'भन्सार तिर्न नपरे सोलार ल्याउन तयार'

१८ पुस, काठमाडौं । राजधानी काठमाडौंसहित प्रमुख शहरमा बसोबास गर्नेले हिजोआज बिजुली बत्तीको उज्यालो कमै देख्न पाउँछन् । टेलिभिजन हेर्नु, फ्रिज, आइरन र वासिङ मेशिन चलाउनु त परको कुरा । लोडसेडिङ अहिले नै १२ घण्टा पुगिसकेको छ । माघसम्ममा यो अवधि अझै बढ्ने निश्चित छ ।

भारतबाट ल्याउने र थर्मल प्लान्ट बनाउने विकल्प पनि सहज नभएकाले नेपालीले अझै केही वर्ष लोडसेडिङको मार खेप्नुपर्ने प्राधिकरणका कर्मचारीले नै बताउँदै आएका छन् । त्यसैले यस्तोबेला बिजुलीबाट चल्ने भन्दा पनि बिजुली बत्तीको विकल्प दिने सरसामग्रीहरुको किनबेच बढेको छ । तर, बैदेशिक रोजगारबाट फर्केकाहरुले टेलिभिजन लगायतका सामान ल्याउन छाडेका छ्रैनन् ।

बैदेशिक रोजगारीमा गएर र्फकंदा धेरैले टेलिभिजन, घडी, ब्लाङ्केटजस्ता सामानहरु ल्याउने गर्छन् । त्यसमा पनि टेलिभिजन कसैले छुटाउँदैन । तर हिजोआज बिदेशबाट र्फकनेले टेलिभिजनसँगै टर्चलाईन पनि बोक्ने गरेका छन् । ‘दुई वर्षयता टर्च लाइट बोकेर र्फकने कामदारहरुको संख्या बढेको छ’ नेपाल बैदेशिक रोजगार व्यवसायी संघका उपाध्यक्ष कुमुद खनालले भन्नुभयो-’लोडसेडिङ बढ्न थाल्दा टर्चलाइट ल्याउने चलन बढेको हो ।’

एकदुई किलोमिटरसम्म ज्योति पुग्ने यस्ता टर्च लाइट नेपालमा पाईंदैन । त्यसैले विदेशबाट र्फकनेहरुको लागि यस्तो टर्च लाइट परिवार तथा आफन्तलाई उपहार दिने गतिलो सामान बन्न सक्छ । नेपालमा व्यापारीहरुले बेच्ने हो भने ६ हजार रुपैंयाभन्दा माथि पर्ने यस्तो टर्चलाइटलाई विदेशमा दुईदेखि साढे दुईहजार रुपैंयासम्म नै पाइन्छ ।

सोलारमा भन्सार छुट दिन माग

कम्प्युटर र ल्यापटप बाहेक बिदेशबाट अरु सामान ल्याउँदा भन्सार तिर्नुपर्छ । तर, कामदारले एकएक थान टर्चलाईट ल्याउँदा विमानस्थलका कर्मचारीले दुःख दिने र शुल्क लिने गर्दैनन् । टेलिभिजनमा आकार र इन्च अनुसार भन्सार शुल्क लिने गरिन्छ । ‘टेलिभिजन सबैको लागि आवश्यक जस्तो भैसकेकाले लोडसेडिङ भएपनि कामदारले ल्याउन छाड्दैनन्’ खनालले भन्नुभयो -’त्यसैले बिजुलीको विकल्प दिने सामान सहज रुपमा ल्याउन सक्ने वातावरण बनाउनुपर्छ ।’

सरकारले भन्सार छुट दिने हो भने बैदेशिक रोजगारबाट र्फकने सबै कामदारले सोलार प्यानल बोकेर आउने उहाँले बताउनुभयो । ‘सोलार भयो भने टेलिभिजन चलाउन र बत्ति बाल्न सकिन्छ’ खनालले भन्नुभयो-’सरकारको यसतर्फ ध्यान जान जरुरी छ ।’

अहिले बिदेशबाट र्फकनेले सोलार प्यानल ल्याउन सकेका छैनन् । चर्को भन्सार शुल्क तिर्नुपर्दा यहाँ किनेको भन्दा महंगो पर्न सक्छ । कतिपय कामदारले विदेशम राम्रो तथा सस्तो पाइने हुनाले एकैथरीका धेरै ल्याउने गरेका छन् । तर, एकै प्रकारका सामान धेरै ल्याउँदा भन्सार शुल्क बढी लाग्छ । त्यसैले जुनसुकै सामान पनि एक-एकवटा ल्याउन उपयुक्त हुन्छ । अझ नयाँभन्दा प्रयोग भएका सामान ल्याउँदा भन्सार तिर्न पर्दैन ।

समाचार

• अमर लामाको हत्या एमाओवादीले गरेको होइनः प्रचण्ड
• सदरुल हत्या प्रकरणमा छानविन समिति गठन
• बहुमत ल्याउने भन्दै एमाले चुनावी अभियानमा
• काँग्रेस नेपालको ‘नम्बर वान’ पार्टी : थापा
• वार्ता असफल भएपछि राजेन्द्र महतो आमरण अनशनमा