चेल्सी घरेलु मैदानमा क्यूपीआरसँग पराजित

१९ पुस, काठमाडौं । इङ्ग्लिस प्रिमियर लिग फुटबलमा चेल्सी क्यूपीआरसँग पराजित भएको छ । गएराति भएको खेलमा अंक तालिकाको पुछारमा रहेको क्यूपीआरले चेल्सीलाई १–० ले पराजित गरेको हो ।

चेल्सीको घरेलु मैदान स्टामफोर्ड ब्रिजमा भएको खेलमा क्यूपीआरका लागि ७८ औं मिनेटमा राइट फिलिप्सले गोल गरे । हारसँगै चेल्सीले अंक तालिकाको तेस्रो स्थानमा उक्लने मौका गुमाएको छ । चेल्सी २० खेलबाट ३८ अंकका साथ चौथो स्थानमा छ ।

अर्को खेलमा इभर्टनले न्यूक्यासललाई २–१ ले पराजित गरेको छ । भिक्टर अन्जिबाले बैकल्किप खेलाडीका रुपमा मैदान प्रवेश गरेको ९० सेकेण्डमा नै गोल गर्दै इभर्टनलाई जित दिलाएका हुन् । सिसीले खेलको दोस्रो मिनेटमा नै गरेको गोलबाट न्यूक्यासले अग्रता लिएपनि पहिलो हापको अन्त्यमा इभर्टनका लागि बानिसले बराबरी गोल फर्काएका थिए ।

लिभरपुलले भने सण्डरल्याण्डलाई ३–० ले पाखा लगाएको छ । १९ औं मिनेटमा रहीम स्टर्लिंगको गोलबाट लिभरपुलका लागि २६ र ५२ औं मिनेटमा लुइस स्वरेजले गोल गरे । प्रिमियर लिगको यो सिजनमा स्वरेजको यो १५ औं गोल हो ।

जितपछि इभर्टन २१ खेलबाट ३६ अंकका साथ पाँचौं स्थानमा उक्लिएको छ भने लिभरपुल समान खेलबाट ३१ अंकका सात आठौं स्थानमा आइपुगेको छ ।

समाचार

• निर्वाचन रोक्ने शक्ति नेकपा-माओवादीमा छैन : महरा
• सर्वोच्च अदालतको रवैयाप्रति पत्रकार आक्रोशित
• शीर्ष नेताहरु विदेशीका खास दलाल : गुरुङ
• चुनावमा हस्ती नेता हराउनेहरु अहिले यता न उता
• सप्तरी सिरहामा राम्रा मान्छे मारिए – जेपी गुप्ता