लोडसेडिङमा बत्ती र टर्चलाइट खोज्ने घटे

'चार्ज गर्न नपाएपछि बरु अँध्यारो नै ठीक'

१९ पुस, काठमाडौं । भोजपुरका तेजकुमार श्रेष्ठले राजधानीको फुटपाथमा टर्च लाइट लगायत बिजुलीको विकल्पमा प्रयोग हुने बत्ती बेच्न थालेको १५ वर्ष भैसक्यो । तर, अचम्म के छ भने यतिबेला लोडसेडिङ बढे पनि पहिलेजस्तो व्यापारचाँहि हुन छाडेको छ । ‘पोहोर परार त राम्रो व्यापार हुन्थ्यो, तर हिजोआज त्यति हुँदैन’ श्रेष्ठले अनलाइनखबरसँग भन्नुभयो-’के गर्नु, यही काम थालियो, व्यापार नहुँदा दिक्क लाग्छ ।’

तेजकुमारले बेट्रीबाट बल्ने र चार्ज गर्न मिल्ने १५/२० प्रकारका बत्तिहरु बेच्न राख्नुभएको छ । ‘पहिले टुकीमारा धेरै बिक्री हुन्थ्यो, हिजोआज यो पनि बिक्री हुँदैन’ उहाँले भन्नुभयो-’स्टार लाइट, यशोधा लाइट, इनिम्याप भन्ने चाहिँ केही बढी बिक्री हुन्छ ।’बत्ती बिक्रेता तेजकुमारले आफ्नो कोठामा पनि यस्तै टर्चलाइटको प्रयोग गर्नुहुन्छ । ‘आफूले नै बेच्ने भएपछि घरमा पनि यही नै प्रयोग गर्छु’ उहाँले भन्नुभयो- ‘तर बेट्री धेरैबेर नटिक्ने र चार्च गर्न पनि बत्ति नहुने भएकाले त्यति उपयोगी हुँदैनन् ।’

फुटपाथमा सामान बेच्ने व्यापारीका अनुसार बरु लोडसेडिङको अवधि कम हुँदा यस्ता टर्चलाइट बढी बिक्री हुन्थे । ‘हिजोआज लोडसेडिङ पनि बढ्यो, चार्ज गर्ने ठाउँ पनि हुँदैन’ व्यापारी श्रेष्ठले भन्नुभयो- ‘त्यसैले पिलपिले बत्ति एकछिन बाल्नुभन्दा अँध्यारोमै बस्न ठीक भनेजस्तो भएको छ मान्छेहरुलाई ।’

ठूला पसलको हालत पनि उस्तै

फूटपाथमा बसेर बिजुली र टर्चलाइट बेच्नेहरु त निराश छन् नै, बिजुलीका ठूला पसल सञ्चालन गर्नेहरुको अवस्था पनि यस्तै छ । ‘लोडसेडिङ भएपछि बत्ती र ट्युबलाइटको बिक्री त घटिहाल्यो, इन्र्भटरको बिक्री पनि हुन छाडेको छ’ काठमाडौंमा बिजुली पसल चलाउने प्रदीप श्रेष्ठले भन्नुभयो-’चार्ज गर्न नपाउने भएपछि उपभोक्ताले इन्र्भटर पनि किन्न छाडेका छन् ।’

व्यापारीहरुका अनुसार अहिले बल्ब र ट्युबलाइटको व्यापार झण्डै २५ प्रतिशतले घटेको छ । इन्भर्टर र सीएफएल चिमको व्यापार बढे पनि सन्तोषजनक छैन ।साना र ठूला बिजुली पसलेहरुको कुरा सुन्दा लाग्छ-यसैगरी लोडसेडिङ बढ्दै जाने हो भने बिजुलीका सामान र टर्चलाइट लगायतका अन्य उपकरणको व्यापार अझै घट्ने छ ।

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• पूर्व प्रधानमन्त्री नेपालद्वारा क्याप्डीलाई सम्बोधन
• सर्वोच्च अदालतको रवैयाप्रति पत्रकार आक्रोशित
• शीर्ष नेताहरु विदेशीका खास दलाल : गुरुङ
• मंगलबार सुनको मूल्य १६ सय रुपैयाँ बढ्यो
• नायिका निशा अधिकारी सगरमाथा चुचुरोमा