तत्काल उखुको मूल्य तोक्न माग गर्दै किसानहरु आन्दोलित

१९ पुस, परासी । उखुको मूल्य तोकी लागू गरी किसानहरुलाई भुक्तानी गर्नुपर्ने भन्दै नवलपरासीका उखु किसानहरू पुनः आन्दोलित भएका छन् । आन्दोलित किसानहरूले विहीवार नै इन्दिरा सुगर मिल बन्द गरेका छन् । उखु उत्पादक किसान सङ्घ नवलपरासीले उखु किसानलाई मारमा पार्ने गरी उखुको मूल्य निर्धारणमा निर्णायक भूमिका खेल्न नसेकेको भन्दै किसानहरुले समितिको आलोचना गरेका छन् ।

एक साताअघि हेटौँडामा उखु किसान महासङ्घ र चिनी मिल संञ्चालकबीच भएको वार्तामा समितिका तर्फबाट निर्णायक मूल्य निर्धारण नगरी अलमल पूर्ण मूल्य निर्धारण गरेका कारण किसान मारमा परेको भन्दै किसान आन्दोलित भएका हुन् । हेटौंडाको छलफलमा भारतको विहार राज्यमा उखुको मूल्य निर्धारण भए नेपालमा पनि त्यही मूल्य निर्धारण गर्ने सहमति भएको थियो ।

त्यसैगरी स्थानीय किसानहरूले इन्दिरा सुगर मिलले फालेको प्रदूषणले दुर्गन्ध फैलिएको र सिँचाइ गर्ने पानीसमेत दूषित भएको भन्दै सुगर मिल बन्द गरेका छन् ।

समाचार

• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ
• बैशाख महिनामा २२७ वटा महिला हिंसाका घटना