४० भन्दा बढी आईएनजीओ कालोसूचीमा

२० पुस, काठमाण्डौं । नेपालको राष्ट्रिय खर्च प्रणाली मिचेर गतिविधि गरिरहेका र लामो सयमसम्म सम्पर्कमा नरहेका ४० भन्दा बढी अन्तराष्ट्रिय गैरसरकारी संस्था (आइएनजीओ) लाई समाजकल्याण परिषद्ले कालोसूचीमा राखेको छ । यी संस्थाको सम्झौता खारेज गर्ने तयारी भइरहेको परिषद्ले जनाएको छ ।

सम्झौता खारेज भएपछि ती आईएनजीओ नेपालमा अवैध ठहरिनेछ । अधिकांश आईएनजीओले खर्च प्रणाली मिचेर काम गरिरहेका भए पनि पहिलो चरणमा परिषद्ले ४० भन्दा बढीलाई कालोसूचीमा राखेर कारबाही थालेको हो ।

सम्झौता गरेका २ सय ७० मध्ये दुई आइएनजीओले मात्र परिषद्मा खर्च विवरण बुझाएका छन् । परिषद् आईएनजीओ र एनजीओको नियामक निकाय हो ।

कालोसूचीमा राखिएका आईएनजीओलाई १५ दिनभित्र आफ्ना गतिविधि र अवस्थाका बारेमा जानकारी गराउन समयसीमा दिएको परिषद्का सदस्य सचिव रबीन्द्र कुमारले जानकारी दिएको खबर कारोबार दैनिकले छापेको छ । आन्तरिक भन्दै उनले कालोसूचीमा परेका आईएनजीओहरुको नाम भने खुलाउन चाहेनन् ।

समाचार

• राष्ट्रिय स्रष्टा सम्मान वरिष्ठ गीतकार थापालाई
• निर्वाचन घोषणा गर्न सरकार आतुरः रेग्मी
• मंसिरमा निर्वाचन नभए सरकारको अस्तित्व सकिन्छः एमाओवादी प्रवक्ता
• पुस्तक मेला- कुन किताब कस्ता छन् ?
• कीर्तिमानी आरोही गौतम भन्छन्-सगरमाथा कालो पहाडजस्तो देखें