अमरेशलाई विशिष्ट सुरक्षा

२० पुस, काठमाण्डौं । पूर्वसांसद तथा काँग्रेस नेता अमरेशकुमार सिंहलाई सरकारले विशिष्ट व्यक्तिसरह सुरक्षा सुविधा दिएको छ । कुनै निर्णय नगरी उनलाई नेपाल प्रहरी र सशस्त्र प्रहरीले चालकसहित सुरक्षाकर्मी खटाएका छन् ।

सुरक्षा दिन गृहमन्त्रालयले मूल्यांकन गरेर निर्णय गर्नुपर्ने भए पनि कुनै निर्णय नै नगरी अनियमित रुपमा उनको सुरक्षाको नाममा पेस्तोलसहित सात प्रहरी खटिएका छन् । नेपाल प्रहरीले अमरेशका लागि सइ ईश्वर कार्कीको कमान्डमा तीन प्रहरी खटाएको छ । साथमा असई लोकेन्द्र गुरुङ र अर्का एक जवान पनि खटिएका छन् ।

त्यस्तै सशस्त्र प्रहरी बलले पनि कुनै निर्णयबिना नै हवल्दार कुशबहादुर थापाको कमान्डमा हवल्दार गुप्तबहादुर मगरसहितको सुरक्षाथ टोली खटाएको छ । गृहमन्त्रालय स्रोतका अनुसार अति विशिष्ट व्यक्तिलाई मात्र यति धेरै सुरक्षा सुविधा दिइने गरिएको नयाँ पत्रिकामा खबर छ ।

तर, पूर्वसांसदको मात्र हैसियत भएका सिंहलाई यसरी कुनै निर्णयबिना नै सुविधा दिइएको विषयमा गृहका अधिकारीहरुले केही बताउन चाहेनन् ।

समाचार

• सुनको मूल्य ९३ रुपैयाँ बढ्यो, चाँदी स्थिर
• फर्जी भर्नाको विरोधमा विद्यार्थी नेता अनशनमा
• संविधानसभा अगाडि गाई बहुलायो (भिडियोसहित)
• दार्चुलामा बस दुर्घटना, ७ को मृत्यु ४१ घाइते
• हत्याको विरोधमा भएको बन्दले यात्रुहरु पीडित