स्वतन्त्र व्यक्तिको नेतृत्वमा चुनावी सरकार अस्वीकार्यः एमाले

महिला हिंसाविरुद्ध २५ गते देशब्यापी प्रदर्शन गर्ने निर्णय

२० पुस, काठमाडौं । नेकपा एमालेले स्वतन्त्र व्यक्तिको नेतृत्वमा चुनावी सरकार बनाउने एमाओवादीको प्रस्ताव अस्वीकार गरेको छ ।

एमाले स्थायी समितिको शुक्रबार बसेको बैठकले पार्टीले कांग्रेस सभापति सुशीलको नेतृत्वमा चुनावी सरकार बनाउने पुरानो निर्णयमा कायमै रहने निर्णय गरेको हो । ‘राजनीतिक दलहरुकै नेतृत्वमा सरकार बन्नुपर्छ’ एमाले नेता भरतमोहन अधिकारीले भन्नुभयो-’कांग्रेस सभापतिको नेतृत्वमा चुनावी सरकार बनाउने निर्णयलाई दृढतापूर्वक अघि बढाउने र सबै पार्टीसँग कुरा गर्ने निर्णय भएको छ ।’

एमाओवादीका अध्यक्ष प्रचण्डले बिहीबार एमाले नेताहरुलाई भेटी स्वतन्त्र व्यक्तिको नेतृत्वमा चुनावी सरकार बनाउने प्रस्ताव गर्नु भएको थियो ।

बैठकले मुलुकको विद्यामान राजनीतिक तथा जनजीविकासँग सम्वन्धित समस्या लगायतका लिएर देशमा जनजागरण अभियान चलाउने निर्णय गरेको छ । केन्द्रीय सचिवालयले अभियानको कार्यक्रम बनाएर २५ गते बस्ने केन्द्रीय समितिको बैठकमा पेश गर्ने एमालेले जनाएको छ ।

एमाले स्थायी समितिको बैठकले महिला हिंसा डरलाग्दो रुपमा बढेको ठहर गर्दै २५ गते देशभर विरोध प्रदर्शन गर्ने निर्णय गरेको छ ।

समाचार

• अमर लामाको हत्या एमाओवादीले गरेको होइनः प्रचण्ड
• सदरुल हत्या प्रकरणमा छानविन समिति गठन
• बहुमत ल्याउने भन्दै एमाले चुनावी अभियानमा
• काँग्रेस नेपालको ‘नम्बर वान’ पार्टी : थापा
• वार्ता असफल भएपछि राजेन्द्र महतो आमरण अनशनमा