केएफसीमा म्याद सकिएको खाद्य बस्तु

२० पुस, काठमाडौं । काठमाडौँको दरबारमार्गस्थित अन्तराष्ट्रिय रेस्टुराँ केएफसीमा उपभोग्य मिति समाप्त भएका वस्तु फेला परेको छ ।

वाणिज्य तथा आपूर्ति व्यवस्थापन विभागबाट खटिएको बजार अनुगमन टोलीले शुक्रबार अनुगमन गर्दा टोलीले म्याद नाघेको रोगिनी ग्रेभी एक केजीको प्याकेट कच्चापदार्थ गोदाममा फेला पारेको हो । उक्त रोगिनी ग्रेभी नष्ट गर्नाका साथै उपभोग नगर्ने सङ्केत गरिराखिएको भेनेला कुकिज पाँच प्याकेट र चकलेट कज १२ प्याकेट नष्ट गरेको छ ।

विभागले प्रयोग गर्न नहुने अन्य कच्चा खाद्यवस्तुहरु सबै नष्ट गरी सात दिनभित्र विभागलाई जानकारी दिन र अब आइन्दा म्याद नाघेका कच्चा खाद्य वस्तुहरु अलग्गै राखी नष्ट गर्दै जानसमेत निर्देशन दिइएको अनुगमन टोलीका संयोजक प्रेमप्रसाद पौडेलले जानकारी दिनुभयो । रासस

समाचार

• मंसिरमा निर्वाचन नभए सरकारको अस्तित्व सकिन्छः एमाओवादी प्रवक्ता
• पुस्तक मेला- कुन किताब कस्ता छन् ?
• कीर्तिमानी आरोही गौतम भन्छन्-सगरमाथा कालो पहाडजस्तो देखें
• नागदह नियाल्दा (फोटोफिचर)
• राष्ट्रिय स्रष्टा सम्मान वरिष्ठ गीतकार थापालाई