चरेश बोक्ने महिलाले हिरासतमै बच्चा जन्माएपछि

२१ पुस, बाँके । दाङकी सरिता थापाले प्रहरी हिरासतमै बच्चा जन्माएकी छन् । भरिया बनेर चरेश भारत लैजाने क्रममा बर्दियाको बलैगाउँ नाकामा पक्राउ परेकी थापाले इलाका प्रहरी कार्यालय, मैनापोखर बर्दियाको हिरासतमै बच्चा जन्माएकी हुन् ।
सुत्केरी खर्च जुटाउनकै लागि थापाले चरेश बोकेको बताएकी थिइन् । ‘सीमा पार’ गराइदिए मात्रै ५ हजार दिने तस्करले आश्वासन दिएका थिए । गर्भवती सरिताले ‘थोरै सामान’ सीमा कटाइदिए मात्रै ५ हजार रुपैयाँ आउने र त्यसले सुत्केरी खर्च चल्ने भएकाले आफुले उक्त सामान लैजान लागेको बताएकी थिइन् । मंसिर २४ गते पक्राउ परेकी उनले पुस १२ गते हिरासत मै बच्चा जन्माएकी थिइन् ।
गत जेठमा कामका लागि भारत गएका उनका श्रीमानको भने अहिलेसम्म अत्तोपत्तो छैन् । तीन सन्तानकी आमा र फेरि पनि गर्भवती भएर परिवार गुजारा चलाउन धौ धौमा परेकी सरितालाई तस्करहरुले सजिकै प्रलोभनमा पारेको नेपाल समाचारपत्रमा खबर छ ।

समाचार

• गृहमन्त्रीको आश्वासनपछि पूर्वसभासद् हकको अन्त्येष्टि गर्न परिवार सहमत
• अनसनमा बसेका महतो अस्पताल भर्ना
• रेग्मीको विरोधमा पापडको र्‍याली
• नेपाली काँग्रेसले समता दिवस मनाउँदै
• योजना आयोगको उपाध्यक्षमा शाक्य, सुकुम्बासी आयोग खारेज