रिचार्ज कार्ड आपूर्ति गर्न सक्षम बोलपत्रदाताले मात्र भाग लिन पाउने

 २१ पुस, काठमाण्डौ । नेपाल टेलिकमले बजारमा गुणस्तरीय र सुरक्षित रिचार्ज कार्ड उपलब्ध गराउनु कम्पनीको मुख्य लक्ष्य रहेकाले सोहीअनुरूपको आपूर्तिकर्ताको चयन गरेको स्पष्ट पारेको छ ।

बोलपत्रको विषयलाई लिएर विभिन्न टीकाटिप्पणी हुने गरेको उल्लेख गर्दै योग्यता र क्षमताको आधारमा कम्पनीबाट माग गरिएको सङ्ख्यामा रिचार्ज कार्ड आपूर्ति गर्न सक्षम बोलपत्रदाताले मात्र भाग लिन पाउने गरी योग्यता निर्धारण गरिएको हो ।

 कम्पनीका प्रवक्ता गुणकेशरी प्रधानका अनुसार बोलपत्रमा उल्लेख गरिएका यी योग्यताहरुको सर्त पूरा गर्ने कुनै पनि स्वदेशी तथा विदेशी आपूर्तिकर्ताबाट बोलपत्र आहृवानमा सहभागी हुन सक्ने प्रावधानअनुसार नै गरिएको छ । नेपाल टेलिकमले विगतदेखि नै राष्ट्रिय उद्योग तथा आपूर्तिकर्ताहरुलाई प्राथमिकता दिँदै आएको र सोही उद्देश्यका साथ बोलपत्र पेस गर्ने अन्तिम म्याद थपिएको उहाँको भनाइ थियो ।

 कम्पनीले गत मङ्सिर ३ गते ५० करोड थान रिचार्ज कार्ड आपूर्ति गर्न बोलपत्र आहृवान गरेको थियो । रासस

समाचार

• योजना आयोगको उपाध्यक्षमा शाक्य, सुकुम्बासी आयोग खारेज
• कञ्चनजंघा आरोहण गरेर फर्कदै गरेका पाँचको मृत्यु
• क्यामरासँग डराउँदै रेग्मीले भने-एकलव्य भएर लाग्छु
• शिक्षकले चिट चोर्ने डरले परीक्षामा कडाई !
• संविधानसभा अगाडि गाई बहुलायो (भिडियोसहित)