पत्रकार डेकेन्द्रको हत्या अभियोगमा ५ पक्राउ

२१ पुस, दैलेख । पत्रकार डेकेन्द्रराज थापाको हत्याको अभियोगमा प्रहरीले ५ जनालाई पक्राउ गरेको छ । थापा पत्नी लक्ष्मीले जाहेरी दिएको झण्डै ४ वर्षपछि प्रहरीले ५ जनालाई पक्राउ गरेको छ ।

शनिबार पक्राउ पर्नेमा लक्ष्मीराम घर्ती, जयबहादुर साही, वीरबहादुर केसी, निरक घर्तीमगर र हरिलाल पुन मगर छन् । उनीलाई भोलि अदालतमा उपस्थित गराइने प्रहरी निरीक्षक विनोद शर्माले जानकारी दिनुभयो ।

३ जना अभियुक्त भने फरार छन् । लक्ष्मीरामलाई पक्राउ गरेपछि उनले दिएको बयानका आधारमा अन्यलाई नियन्त्रणमा लिइएको प्रहरीले जनाएको छ । पत्रकार थापाको २०६१ साउन २७ गते माओवादी कार्यकर्ताले कुटपिट गरी हत्या गरेका थिए ।

समाचार

• कञ्चनजंघा आरोहण गरेर फर्कदै गरेका पाँचको मृत्यु
• शिक्षकले चिट चोर्ने डरले परीक्षामा कडाई !
• संविधानसभा अगाडि गाई बहुलायो (भिडियोसहित)
• योजना आयोगको उपाध्यक्षमा शाक्य, सुकुम्बासी आयोग खारेज
• पहिलो मिसनमै सरकार असफल भईसक्योः एमाले सचिव