आइफोनको माग घटयो

एप्पल कम्पनीले पछिल्लो स्मार्टफोन आइफोन ५ को माग ह्वात्तै घटेको छ । आइफोनको माग घटेसँगै एप्पलले आइफोनमा प्रयोग हुने एलसिडी प्यानल उत्पादक विदेशी कम्पनीहरुलाई दिने अर्डर पनि झण्डै आधाले घटाएको छ ।

आइफोनका लागि एलसीडी डिस्प्ले उत्पादन गरी निर्यात गर्दै आएका जापानी कम्पनी जापान डिस्प्ले, सार्प तथा दक्षिण कोरियाली कम्पनी एल जी डिस्प्लेलाई एप्पल कम्पनीले यसअघिको अर्डर बमोजिम प्यानलको उत्पादन नगर्न र उत्पादनमा कटौती गर्न आग्रह गरेको छ । पछिल्लो त्रैमासिकमा साढे ६ करोड एलसीडी प्यानल बनाउन विदेशी कम्पनीलाई एप्ललले अर्डर दिएको थियो ।

एप्पलको आग्रहपछि जापानी कम्पनी जापान डिस्प्लेले एलसीडी प्यानलको उत्पादन ७० देखि ८० प्रतिशत सम्मले घटाउने तयारी गरेको छ । यस्तै सार्प कम्पनीले समेत डिसेम्बर र अक्टोबरमा भन्दा जनवरी र फेब्रुअरीमा एलसीडी प्यानलको उत्पादनमा ४० प्रतिशतले कटौती गर्दैछ ।

यद्यपि एप्पलले भने आइफोन ५ को मागमा कमी आएको र सोही कारण आइफोनका पार्टस् बनाउने कम्पनीलाई उत्पादन कटौतीलाई लागि आग्रह गरिएको भन्ने कुरा आधिकारिक रुपमा सार्वजनिक गरेको छैन ।

समाचार

• फर्जी भर्नाको विरोधमा विद्यार्थी नेता अनशनमा
• हत्याको विरोधमा भएको बन्दले यात्रुहरु पीडित
• शिक्षकको परीक्षा आजदेखि
• मन्त्रिपरिषद्को बैठक आज बस्दै
• पर्शुराम र गणेश लामालाई एमाले र फोरमको संरक्षण जारी