सत्तारुढ दलले आन्दोलन गर्नु सर्वसत्तावादको नमुनाः कांग्रेस

३ माघ, काठमाडौं । प्रमुख विपक्षी नेपाली कांग्रेसले सत्तारुढ दलहरुले नै आन्दोलन गर्नु सर्वसत्तावादको नमुना नभएको बताएको छ ।

कांग्रेस सभापति सुशील कोइरालाको निवासमा बुधबार बसेको पदाधिकारी तथा उपलब्ध केन्द्रीय सदस्यहरुको बैठकले सहमतिको सरकार गठनको सम्भावना सकिँदै गएको र सरकार निर्वाचन टारेर सत्ता लम्ब्याउने खेलमा लागेको निष्कर्ष निकालेको हो । सरकारमा बसेर आन्दोलन गर्नु सर्वसत्तावादमा मात्र सम्भव हुने भन्दै केन्द्रीय सदस्य डा. मिनेन्द्र रिजालले भन्नुभयो-’सत्तामा बसेर आन्दोलन गर्ने कुरा सर्वसत्तावादी शासनमा हुन्छ जहाँ सरकारी ‘भिजिलान्ते’को प्रयोग गरिन्छ ।’

सरकार निरङ्कुशता र सर्वसत्तावादतर्फ उन्मुख रहेको भन्दै कांग्रेसले आन्दोलनका कार्यक्रमलाई प्रभावकारी बनाउने निर्णय गरेको छ । विपक्षीहरुसँग भएको सहमतिअनुरुप आन्दोलनका कार्यक्रमलाई प्रभावकारी बनाइने रिजालले जानकारी दिनुभयो ।

सहमतिको सरकार बन्ने सम्भावना पनि लगभग समाप्त भएको भए काँग्रेस अन्तिम घडीसम्म पनि सहमतिकै पक्षमा हुने बताउनुभयो । उहाँले भन्नुभयो-’वैशाखमै निर्वाचन गर्न सहमितका लागि काँग्रेसको प्रयास जारी रहन्छ, निरङ्कुशता र सर्वसत्तावादविरुद्व भने विपक्षी दलहरु मिलेर आन्दोलनलाई प्रभावकारी बनाउने छौ ।’ कांग्रेसले वार्ता, आन्दोलन र संवैधानिक गरी राजनीतिक निकासका लागि त्रिपक्षीय नीति अख्तियार गरेको उहाँको भनाइ थियो ।

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• मलाई भारतीय दूत भन्नेहरु पागल हुन् : अमरेश सिंह
• संविधानसभाको निर्वाचन मंसिरमै हुन्छ : सिटौला
• साहित्यिक ढर्रा… मञ्च खाली, सहभागी सबै प्रमुख अतिथि !
• लोकतान्त्रिक गणतान्त्रिक गठबन्धनको बैठक बस्दै
• उच्चस्तरीय राजनीतिक संयन्त्रले निर्वाचन विरोधी दलहरुसँग छलफल गर्दै