‘कांग्रेसका पालामा– खाना छैन थालमा’ भन्दै चर्का चर्का नारा घन्काउँदै गाउँमा रित्तो थाल ठटाउँदै ¥याली, जुलुस निकाली हिँडेको हिजो जस्तै लाग्छ । सर्वहारा श्रमजीवी जनताको आशाको केन्द्र अनि आमूल परिवर्तनको संवाहक ठानिएको त्यही पार्टी आज आफ्ना विधान लेख्ने र के–के गर्ने बहानामा ठूला पाँचतारे होटेल र रिसोर्टमा भेला, बैठक, सम्मेलन गर्ने हैसियत बनाएछ । हिजो जनताका घरदैलोमा पुगी जनताले स्वच्छाले दिएको मकै, सातु र निस्तो चिउरा खाएर या नखाई संगठन बनाउँदै हिड्ने एमालेमा यो कत्रो परिवर्तन ! २० –२५ बर्ष अगाडि मैले बुझेको एमाले र अहिलेको एमालेमा आकाश जमिन अन्तर पाउँछु । विचार, सिद्धान्त र व्यवहारका हिसाबले हिजोको धारिलो र फुर्तिलो एमाले आज कामै नलाग्ने भुत्ते खकुरी सावित भै–सकेको छ । हिजो जनजनको मनमा बस्न सफल एमाले आज उनीहरुबाट दिन दिन टाढिदै छ। कारण जनअपेक्षा अनूरूप, समयअनुकूल आँफूलाई हिडाउन नसक्नु नै हो यसको नेतृत्व पंक्तिले । स्मरणरहोस् पार्टि कुनै एनजिओ–आइएनजियो होइन, त्यसैको अनूकरण गर्दै बैठक, सेमिनार या गोष्ठिहरु पाँचतारेमा चलाउनु पर्ने । यदि जनताप्रति तपाईंहरुको विश्वास छ भने जनता तपाईहरुलाई सहयोग गर्न अझै तयार छन् तर सुध्रिनु चाहिँ पर्छ ।

Like or Dislike: 9  0

[जवाफ फर्काउनुहोस्]