बारको अध्यक्षमा प्रगतिशील समूहका कार्की विजयी

कसले कति मत पाए ?

४ माघ, काठमाडौं । कानुन व्यवसायीहरुको छाता संगठन नेपाल बार एशोसिएसनको अध्यक्षमा प्रगतिशील समूहका हरिकृष्ण कार्की विजयी हुनु भएको छ ।

शनिबार भएको मतदानको बिहीबार सकिएको मतगणनामा निकटतम प्रतिद्वन्द्वी प्रजातान्त्रिक समूहका शेरबहादुर केसीलाई ७५ मत पछि पार्दै कार्की बारको अध्यक्षमा निर्वाचित हुनु भएको हो । कार्कीले ३ हजार २ सय ५७ मत पाउनु भएको छ भने केसीले ३ हजार १ सय ८२ मत पाउनु भएको छ । संघीयता र पहिचानवादी समूहका सुरेन्द्र थापा मगरले २ सय ४९ मत पाउनु भएको छ । अध्यक्षमा निर्वाचित भएपछि कार्कीले संवैधानिक पदपूर्ति, स्वतन्त्र न्याय सम्पादनका लागि पहल गर्ने प्रतिवद्धता जनाउनु भएको छ ।

यस्तै ५ उपाध्यक्षमा जनक पाण्डे (पूर्वाचल), टिकाराम भट्टराई (मध्यमाञ्चल), अनिता गुरुङ (पश्चिमाञ्चल), पदमप्रसाद वैदिक (मध्यपश्चिम) र राजेन्द्र साउथ (सुदूरपश्चिमाञ्ल)मा विजयी हुनु भएको छ । पाण्डेले ३ हजार ३ सय १, भट्टराईले ३ हजार ५ सय ७४, गुरुङले ३ हजार ३ सय ११, वैदिकले ३ हजार १ सय ३६ र साउथले ३ हजार २ सय ६६ मत पाउनु भएको छ । उपाध्यक्ष जनक प्रजातान्त्रिक समूहबाट हुनुहुन्छ भने बाँकी चार जना प्रगतिशील समूहका ।

यस्तै महासचिवमा सुनिलकुमार पोखरेल र कोषध्यक्षमा मोहन इङनाम विजयी हुनु भएको छ । पोखरेलले ३ हजार ५ सय ५ र इङनामले ३ हजार २ सय १४ मत पाउनु भएको छ । पोखरेल र इङनाम दुबै प्रजातान्त्रिक समूहबाट उम्मेदवारी दिनु भएको थियो ।

बार एशोसिएसनको नयाँ नेतृत्व ।

यसैगरी बारको ९ केन्द्रीय सदस्यमा गजेन्द्रशंकर तिमिला, गणेशप्रसाद अधिकारी, सागर विष्ट, प्रशन्नकृष्ण दास, विनिता कार्की, लक्ष्मीदेवी दाहाल, केदारप्रसाद कोइराला, सरस्वती श्रेष्ठ र राज्यलक्ष्मी बज्राचार्य सदस्यमा निर्वाचित हुनु भएको छ ।

मिलेर जाने होः निर्वाचनको परिणाम आउनु अघि अंकमाल गरेर तस्वीर खिचाउँदै अध्यक्षका प्रत्यासी केसी र कार्की ।

तस्वीरः विकास श्रेष्ठ/अनलाइनखबर

समाचार

• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ
• बैशाख महिनामा २२७ वटा महिला हिंसाका घटना