अब आफ्नै गहना जिमेलको पासवर्ड

आफ्नो जिमेल अकाउण्टको पासवर्ड बिर्सेर हैरान हुनेहरु धेरै हुन्छन् । यहीँ हैरानीलाई मध्यनजर गर्दै गुगलले अब जिमेलको पासवर्ड हटाउने तयारी गरेको छ ।गुगलले अहिलेको पासवर्ड प्रणालीलाई हटाउँदै जिमेल अकाउण्ट वालाको युएसबी कि, मोबाइल फोन तथा गहनालाई जिमेल अकाउण्ट खोल्ने भौतिक साँचोको रुपमा प्रयोग गर्न सकिने प्रविधिको सुरुवात गर्ने सोँच बनाएको हो ।

गुगलका सेक्युरिटी सम्बन्धी अनुसन्धानकर्ताहरुले यस प्रकारको साँचो प्रणालीका विषयमा गरेको अनुसन्धानको निष्कर्ष आउँदो महिना सार्वजनिक गर्नेछन् । अहिलेको पासवर्ड प्रणालीलाई परिवर्तन गरी आफुले लगाएको गहना लगायतका सामानबाट जिमेलको अकाउण्ट खोल्ने नयाँ प्रविधि सफल तथा कामयाबी हुने विश्वास अधिकारीहरुको छ ।यस्तो भौतिक ताल्चालाई युएसबी ड्राइभ मार्फत प्रयोग गर्न सकिने र त्यसले त्यसबाट प्रयोगकर्ताले आफ्नो इमेल अकाउण्ट खोल्न सक्ने बताइएको छ । यो प्रविधिको अनुसन्धान गुगलका सुरक्षा सम्बन्धि उपप्रमुख इरिक ग्रसी र इन्जिनियर मायंक उपाध्यायले गरेका हुन् ।

 वास्तवमा गुगलले उत्पादन गर्ने त्यस्ता स्मार्ट चिप्स जसलाई सेक्युरिटी पासवर्डको रुपमा प्रयोग गर्न सकिन्छ त्यसलाई प्रयोगकर्ताले आफ्नो गहना तथा मोबाइल फोनमा राख्न सक्छन् । वायरलेस प्रविधिको माध्यमबाट उक्त चिप्समा जडित सेन्सरले काम गर्छ र प्रयोगकर्तालाई आफ्नो इमेल लगायतका अकाउण्टमा पहुँच सुरक्षित गर्छ । गुगलले यस्तो साँचो वा भौतिक पासवर्ड हराउने समस्याबाट समेत प्रयोगकर्ताले टाउको दुखाउनु नपरोस् भनेर यस्तो साँचो सजिलैसँग परिवर्तन गर्न सकिने विधि समेत उपलब्ध गराउनेछ ।

समाचार

• पुस्तक मेला- कुन किताब कस्ता छन् ?
• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ