लोडसेडिङको समय केही घटाइयो

१० माघ, काठमाण्डौ । नेपाल विद्युत् प्राधिकरणले अनौपचारिकरुपमा लोडसेडिङको समयमा हेरफेर गरेको छ । यसअघि प्राधिकरणले हप्तामा ९७ घन्टा लोडसेडिङ गर्दै आएको थियो ।

भारतबाट आपूर्ति हुँदै आएको २५ मेगावाट विद्युुत् पुन.आपूर्ति हुन् थालेपछि विद्युत्भार कटौतीको समय तालिका ननिकालीकनै हाललाई परीक्षणका रुपमा विद्युत्भार कटौतीको केही समय घटाइएको भार सम्प्रेषण केन्द्रका प्रमुख भुवनकुमार क्षेत्रीले बताउनुभयो ।

भारतबाट कटौती गरिएको र हाल आपूर्ति हुँदै आएको विद्युत्को स्थितिलाई हेरेर विद्युत्भार कटौतीको समय तालिका परिवर्तन गर्न सकिने क्षेत्रीले वताउनुभयो । प्राधिकरणले केही दिनसम्म भारतबाट भइरहेको विद्युत् आपूर्ति कस्तो अवस्थामा हुन्छ त्यसको अध्ययन गरेर कति समय घटाउन सकिन्छ त्यसअनुरुप अघि बढ्ने पनि प्रमुख क्षेत्रीले जानकारी दिनुभयो ।

समाचार

• योजना आयोगको उपाध्यक्षमा शाक्य, सुकुम्बासी आयोग खारेज
• कञ्चनजंघा आरोहण गरेर फर्कदै गरेका पाँचको मृत्यु
• क्यामरासँग डराउँदै रेग्मीले भने-एकलव्य भएर लाग्छु
• शिक्षकले चिट चोर्ने डरले परीक्षामा कडाई !
• संविधानसभा अगाडि गाई बहुलायो (भिडियोसहित)