नेपालका ८० प्रतिशत महिला श्रमिक

११ माघ, काठमाण्डौं । नेपालका महिला दक्षिण एसियाकै बढी कामकाजी भएको एक अध्ययनले देखाएको छ । नेपालका ८० प्रतिशत महिलाले श्रम गर्छन्, जबकी अरु मुलुकमा यो संख्या ६० प्रतिशतभन्दा कम छ ।

अन्तराष्ट्रिय श्रम संगठन आइएलओका अनुसार दक्षिण एसियामा सबैभन्दा कम महिला श्रमिक अफगानिस्तानमा छन् । त्यहाँ १५ प्रतिशत महिलाले मात्र काम गर्छन् । बंगलादेशमा ६०, माल्दिभ्समा ५९, श्रीलंकामा ३८, भारतमा २५ र पाकिस्तानमा २२ प्रतिशत छ ।

पुरुष श्रम सहभागितामा पनि नेपाल नै अघि रहेको छ । नेपालका ९० प्रतिशत पुरुषले कुनै न कुनै काम गर्छन भने बंगलादेशमा यो ८९ प्रतिशत छ । माल्दिभ्समा ७९, श्रीलंकामा ७९, भारतमा ८०, पाकिस्तान ८१ र अफगानिस्तानमा ८० प्रतिशत पुरुष श्रमिक रहेको खबर कारोबार दैनिकले छापेको छ । आइएलओले सातामा १० घन्टा आर्थिक रुपमा सक्रियलाई श्रमिक भनेको छ ।

राष्ट्रिय श्रम प्रतिष्ठानका कार्यकारी निर्देशक तथा श्रमविज्ञ शिव शर्माका अनुसार बढी मुस्लिम जनसंख्या भएका मुलुकमा महिलाको श्रम सहभागिता कम छ ।

समाचार

• बैशाख महिनामा २२७ वटा महिला हिंसाका घटना
• नहारेका ‘राजावादी’ भन्छन्- म त कवाडी भैहालें
• वैद्य माओवादी चुनावी मैदानमा आउनुपर्छ : थापा
• गृहमन्त्रीको आश्वासनपछि पूर्वसभासद् हकको अन्त्येष्टि गर्न परिवार सहमत
• महतोको अनशनमा प्रहरी हस्तक्षेप, अस्पताल भर्ना