पुलिस क्लब सुपर लिगका लागि छनोट

११ माघ, काठमाण्डौ । नेपाल पुलिस राजधानीमा जारी सहिद स्मारक ए डिभिजन लिग फुटबलको शीर्ष आठमा पर्न सफल भएको छ । त्रिपुरेश्वरस्थित दशरथ रंगशालामा विहीवार भएको अन्तिम खेलमा जाउलाखेललाई १-० गोल अन्तरले पराजित गर्दै पुलिसले शीर्ष आठ आफ्नो स्थान सुरक्षित गरेको हो । जितसंगै पुलिस २३ अंकका साथ लिग तालिकाको ८ औँ स्थानमा उक्लिएको छ । सरस्वतीसंग समान २३ अंक भएपनि पुलिस हड टु हेडका आधारमा शीर्ष आठमा पर्न सफल भएको हो ।

पुलिसलाई सुपर लिगमा प्रवेश गराउन चेतन घिमिरेले खेलको ७३ औँ मिनेटमा गरेको गोल नै निर्णायक बन्यो । जाउलाखेलका विदेशी खेलाडी जुमा बेन्ली खेलको ८९ औँ मिनेटमा वान भर्सेज वानको अवस्थामा गोल गर्न असफल भएपछि जाउलाखेलले बरावरी गर्ने मौका गुमाएको थियो । जाउलाखेल भने १४ अंक जोड्दै लिग तालिकाको १३ औँ स्थानमा आफ्नो ए डिभिजन लिग टुंगाएको छ ।

समाचार

• अमर लामाको हत्या एमाओवादीले गरेको होइनः प्रचण्ड
• सदरुल हत्या प्रकरणमा छानविन समिति गठन
• बहुमत ल्याउने भन्दै एमाले चुनावी अभियानमा
• काँग्रेस नेपालको ‘नम्बर वान’ पार्टी : थापा
• वार्ता असफल भएपछि राजेन्द्र महतो आमरण अनशनमा