बार्सिलोना कोपा डेल रे कपको सेमिफाइनलमा

१२ माघ, काठमाडौं । बार्सिलोना स्पेनिस कोपा डेल रे कप फुटबलको सेमिफाइनलमा प्रवेश गरेको छ । अब फाइनल प्रवेशका लागि बार्सिलोनाले चिरप्रतिद्वन्द्वी रियल मड्रिडको सामना गर्नेछ ।

गएराति भएको दोस्रो लेगमा मालागोमाथि ४–२ ले विजयी भएको बार्सिलोना समग्रमा ६–४ को जित हात पार्दै अन्तिम चारमा प्रवेश गरेको हो । पहिलो लेगमा बार्सिलोनाले मालागोसँग २–२ को बराबरी खेलेको थियो । मालागोको घरेलु मैदानमा भएको खेलमा अग्रता बार्सिलोनाले लिएको थियो । अठौं मिनेटमा पेड्रोले गोल गर्दै बार्सिलोनालाई अग्रता दिलाए ।

१२ औं मिनेटमा मालागोको जोकिनले बराबरी गोल फर्काए । ४९ औं मिनेटमा जरार्ड पिकले गोल गर्दै बार्सिलोनालाई २–१ को अग्रता दिलाए भने ६८ मिनेटमा सान्टाक्रुजले बराबरी गोल फर्काए । ७६ औं मिनेटमा आन्द्रे इनिष्टा र ८० औं मिनेटमा लिओनल मेस्सीले गोल गरेपछि बार्सिलोना ४–२ ले विजयी भयो ।

समाचार

• हत्याको विरोधमा भएको बन्दले यात्रुहरु पीडित
• शिक्षकको परीक्षा आजदेखि
• मन्त्रिपरिषद्को बैठक आज बस्दै
• पर्शुराम र गणेश लामालाई एमाले र फोरमको संरक्षण जारी
• लोकमानलाई अख्तियार प्रमुख मान्दैनौः ज्ञवाली