नेपाली समाज युएइको पार्षद भेला फेब्रुअरी १ मा हुने

उमाकान्त पाण्डे गाउंले

अबुधावी ।  नेपाली समाज युएईको पार्षद भेला फेब्रुअरी १ तारिखमा हुने भएको छ । एभरेस्ट इन्टरनेशनल होटल बरदुबईमा दिउसो २ बजे भेला सुरु हुनेछ । समाजको पार्षद भेलामा बिधानको दफा ९ अनुसार बनेका सम्पूर्ण सदस्य  तथा बिधानको दफा ५१ ले परिकल्पना गरे बमोजिमका सम्पूर्णले उपस्थिति जनाउन सक्नेछन् । समाजका परिषद सभापती तुलसी तमाङले एक प्रेस बिज्ञप्ती जारी गर्दै “पार्षद भेला” आयोजना गरिएको जानकारी गराएका हुन । बिज्ञप्ती मार्फत उनले नेपाली समाज युएइका सम्पुर्ण पार्षद सदस्यहरूलाई उक्त भेलामा उपस्थित हुनको लागि आग्रह गरेका छन् ।

वर्तमान निर्वाचित कार्यकारिणी समिति २०१२ डिसेम्बर सम्ममा २ बर्षे कार्यकाल पूरा गरिसकेको र यो अबधिभर कार्य समितिले गरेका सबै कामकाजहरू सम्पुर्ण पार्षद सदस्य तथा नेपाली समाज युएई मातहतका बिभिन्न संघ संस्था र सरोकारवाला सम्पुर्ण यूएइवासी नेपालीलाई अबगत गराउनु पर्ने भएकोले पार्षद भेला राखिएको अवगत गराउछु शभापती तमाङले उल्लेख गरेका छन ।

 बिज्ञप्ती मार्फत परिषद शभापतीले भनेका छन् “नेपाली समाजको उच्च निकाय परिषद भएकोले समाजमा भए गरेका सबै कुराको लेखाजोखा, मुल्याङ्कन, प्रशंशा तथा दण्डित गर्ने अधिकार उक्त परिषदलाई रहेकोले र समाजले गरेका सबै गतिबिधीहरू जान्न पाउने अधिकार सम्पुर्ण सल्लाहकार, संघ संस्था, तथा पार्षद सदस्यहरूलाई भएको जानकारी गराउदछु”। नेपाली समाज युएईको बिधानत: धारा ५२ को ‘क’ अनुसार परिषद भेला आयोजना गर्नु पर्ने आवस्यकता ठहर गरिएकोले केन्द्रिय कार्यकारिणि समिति सगं सल्लाह गरी परिषद भेला बोलाइएको परिषद शभापति तमाङले आफ्नो बिज्ञप्तीमा उल्लेख गरेका छन । भेलामा सम्पुर्ण पार्षद सदस्यहरूलाई उपस्थित हुन आग्रह समेत गरिएको छ । यदी कुनै कारण वस जानकारी प्राप्त नभएको भए यसै समाचारलाई अधिकारिक ठानी भेलामा उपस्थितिका लागि सम्पूर्ण पार्षद सदस्यलाई आग्रह गरिन्छ ।

 नेपाली समाजको नेतृत्वले गरेको २ वर्षे कार्यकालको लेखाजोखा गर्दै निर्वाचित,मनोनित पश्चात कुनै पनि वैठकमा उपस्थित भए नभएका उपरको बिषयमा छलफल गरी निर्णय गर्दै केन्द्रिय कार्यकारिणि समितिलाई निर्णायक विन्दुमा पुर्याउन पार्षद भेलाले सहयोग गर्ने बुझिएको छ ।

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• राप्रपा र राजपाको महाधिवेशनः आलोपालो नेतृत्व अस्वीकार
• यो हो पश्चिम नेपाल (फोटोफिचर)
• थ्रेसहोल्डको अडान छाड्दैनौं : कांग्रेस-एमाले
• एमाओवादी नेता रायमाझी थ्रेसहोल्डको पक्षमा
• एक चक्र भएका कृष्ण पहाडी अब उपन्यासकार