दोलखामा शान्ति कायम गर्न सत्तारुढ र विपक्षी सहमत

१२ माघ काठमाडौं । दोलखा सदरमुकाममा सत्तारुढ एमाओवादी र विपक्षी नेपाली कांग्रेसको कार्यक्रम एकै दिन परेपछि उत्पन्न तनाब मथ्थर भएको छ । दुबैपक्षले शान्तिपूर्ण रुपमा फरक-फरक समयमा प्रदर्शन गर्ने सहमति जनाएपछि समस्या समाधान भएको हो ।

जिल्ला अधिवेशन उद्घाटनका क्रममा दोलखा सदरमुकाममा एमाओवादीले पहिले जुलुस निकालेको छ । कांग्रेसले एमाओवादीको जुलुस सकिएर सभामा परिणत भएपछि मात्रै विरोध जुलुस निकाल्ने सहमति भएको दोलखाका प्रमुख जिल्ला अधिकारी कालीप्रसाद पराजुलीले अनलाइनखबरलाई बताउनुभयो ।

‘आत्तिनु पर्ने अवस्था छैन, एमाओवादीको जुलुसले नगर परिक्रमा गर्दैछ, यो सकिएपछि विपक्षीले जुलुस निकाल्ने सहमति भएको छ ।’- पराजुलीले अनलाइनखबरसँग भन्नुभयो, ‘दलहरुवीच बिहीबारको सर्वदलीय बैठकमा यस्तो सहमति भएको हो ।’ दोलखामा एमाओवादीको जिल्ला अधिवेशन उद्घाटनकै दिन नेपाली कांग्रेसको विरोध कार्यक्रम आयोजना भएपछि सुरक्षा सतर्कता भने बढाइएको छ ।

समाचार

• उपत्यकाको सडकमा अख्तियारले छानविन गर्ने
• वागमतीमा पसे राजेश हमाल ! बाबुरामपछि रेग्मीको पालो
• गुटबन्दीविरुद्ध योजनाबद्ध संघर्ष गर्न एमालेलाई सुझाव
• हवाइ दुर्घटनासँगै वीमासम्बन्धी विवाद बढ्यो
• प्रेसमाथिको आक्रमण सह्य हुँदैनः सञ्चारमन्त्री