नेपालले युएईलाई ८६ रनले हरायो

१२ माघ, काठमाडौं । थाइल्याण्डमा जारी एसीसी महिला च्याम्पियनसिप क्रिकेटमा नेपालले लगातार दोस्रो जित हात पारको छ ।

पहिलो खेलमा भुटानलाई ८ विकेटले हराएको नेपालले शुक्रबार भएको आफ्नो दोस्रो खेलमा युएईलाई ८६ रनले पराजित गरेको हो । जितसँगै २ खेलबाट ४ अंक जोडेको नेपाल समूह ए को शीर्ष स्थानमा छ । समान अंक जोडेको हङकङ रन रेटमा पछि रहँदै दोस्रो स्थानमा छ ।

पहिले व्याटिङ थालेको नेपालले निर्धारित २५ ओभरमा ५ विकेटको क्षतिमा १ सय ४५ रन बनायो । नेपालका लागि सीता मगरले सर्वाधिक ४६ र सरिता मगरले अविजित ४१ रन बनाइन् । यस्तै नेरी थापाले १६ रन बनाउँदा रोशनी बोहोराले ७, रुविना क्षेत्रीले ४, नेरी राजोपाध्यायले ४ तथा मधु थापाले ३ रन बनाइन् ।

जवाफमा मैदान उत्रिएको युएई २२ दशमलव ४ ओभरमा सबै विकेट गुमाएर ५९ रन बनायो । उसका लागि हृयुमेरी तसमीनले २३ रन बनाउनु बाहेक अन्यले दोहोरो अंक जोड्न सकेनन् ।

युएईलाई सस्तैमा समेट्ने क्रममा सोनी खड्काले ५ ओभरमा १ मेडन राख्दै १७ रन दिएर ३ विकेट लिइन् भने करुणा भण्डारीले मात्र ५ रन दिएर २ विकेट हात पारिन् । यस्तै रुविना क्षेत्री, नेरी थापा र सरिता मगरले समान १-१ विकेट हात पारिन् ।

समाचार

• मधेसका तीन ‘मसिहा’ भिन्नै मोर्चाको तयारीमा
• कोइराला पक्षले भन्यो- ‘यस्तै हो भने देउवालाई दिए हुन्छ’
• बुद्धको प्रतिमा बनाउन एनआरएनद्वारा एक करोड सहयोग
• चुनाववाट एमाले पहिलो पार्टी बन्छ : खनाल
• सरकार र सद्भावनाबीच वार्ता स्थगित