पूर्वाञ्चलमा साहित्य मेला
१२ माघ, काठमाडौं । साझा प्रकाशनले राजधानी बाहिर पहिलोपटक बिराटनगरमा पुस्तक प्रदर्शनी तथा साहित्य मेला शुरु गरेको छ । तीनवटा अञ्चल मेची, कोशी र सगरमाथाका साहित्यिक प्रतिनिधिले संयुक्त रुपमा उद्घाटन गरेको मेला २१ गतेसम्म चल्नेछ । ‘समुन्नत समाज परिस्कृत संस्कार, पठन संस्कृतिको विकास-सबैको हातमा किताब’ भन्ने नाराका साथ साझा प्रकाशन क्षेत्रीय कार्यालय परिसर निलसदन विराटनगरमा प्रदर्शनी भएको हो ।
प्रदर्शनीमा देशका चार हजारभन्दा बढी प्रकाशन गृह र एक हजारभन्दा बढी लेखकले आफ्नैतर्फबाट प्रकाशित गरेका विभिन्न भाषा, साहित्य, कला, आर्थिक, सामाजिक, भौगोलिक, ऐतिहासिक, पुरातात्विक, राजनीतिक, धार्मिक, विधा, विषय, क्षेत्र र वाङ्मयका १० हजारभन्दा बढी शीर्षकका पुस्तक समावेश गरिएको छ । यस्तै भारतीय प्रकाशन गृहबाट छापिएका नेपाली भाषाका पुस्तक पनि प्रदर्शनीमा राखिएका साझा प्रकाशन सञ्चालक समितिका सदस्य अनिल पौडेलले अनलाइनखबरसित भन्नुभयो । प्रदर्शनीमा राखिएका पुस्तकमा विशेष छुट दिने व्यवस्था गरिएको छ ।
प्रदर्शनीको पहिलो दिन नै अवलोकनकर्ताको भीड लागेको पौडेलले बताउनुभयो । ‘राजधानीमा भन्दा पनि राम्रो र व्यवस्थित भएको प्रतिकृया आएको छ’ पौडेलले भन्नुभयो-’मेलामा नेपाली मूलका भारतीय लेखक र साहित्यकारहरुको पनि जमघट हुनेछ ।’
यसमा तपाइको मत
सम्बन्धित शीर्षकहरु
- सुन प्रतितोला ३ सय १० रूपैयाँले घट्यो
- मजदुर पुर्याउन भारत गएको बसका कर्मचारी बन्धक !
- आफैँले बोकेको जालमा बेरिएर मृत्यु
- बत्तीमुनिको अँध्यारोमा भक्तपुर कांग्रेस
- चार दलसँग यसकारण रिसाए खिलराज
- ओलीले भने-एमाओवादी बनमान्छे, कांग्रेस थोत्रो मादल
- पुस्तक मेला- कुन किताब कस्ता छन् ?
- महतोलाई भेट्न भारतीय राजदूत वीर अस्पतालमा
- सरकारको पाइला चिप्लियो : खनाल
- विदेशी लगानी आकर्षित गर्न नयाँ कानुन
