विपक्षीको आन्दोलन पानीको फोका जस्तै : बोगटी

निमुसंगम घर्ती

१२ माघ , दाङ । संस्कृती, पर्यटन तथा नागरिक उड्यनमन्त्री पोष्टबहादुर बोगटीले बर्तमान सरकार बैधानिक भएकाले बिपक्षी दलको आन्दोलनका कारण सरकार नढल्ने दाबी  गर्नुभएको छ । एकीकृत माओवादीका नेता समेत रहेका बोगटीले बिपक्षीले आन्दोलन थाले भन्दैमा सरकार नछोड्ने स्पष्ट पार्नुभएको हो । यो अबस्थामा सरकार छोडे देशमा अस्थिरता र अस्तव्यस्तताको अबस्था सृजना हुने बताउनुभयो।

एमाओबादी दाङको सातौँ जिल्ला सम्मेलनलार्इ शुक्रवार घोराहीमा सम्बोधन गर्दै मन्त्री बोगटीले सबै दलहरुकोवीचमा नागरिकहरुका एजेण्डामा सहमति र बिर्वाचनको सुनिश्चितता नहुदा सम्म सरकार छोड्न नसकिने भन्दै बिपक्षिहरुलाई आन्दोलन नभई बार्ता र छलफलमा आउन आग्रह गर्नुभयो ।बिपक्षीहरुको आन्दोलनलाई पानीको फोकाको संज्ञा दिदै मन्त्री बोगटीले बिदेशि डलरले आन्दोलनमा उक्साएको आरोप लगाउनुभयो । देश बर्बादी तर्फ गैरहेको प्रति नागरिकहरु चिन्तित रहेको भन्दै उहाँले सहमति छोडेर आन्दोलन किन गरेको भनि प्रतिपक्षीहरुलाई प्रश्न गर्नुभयो।

बिपक्षीहरु बर्तमान सरकारलाई दोष देखाएर चुनाब नहोस भन्ने चाहेको र उनीहरुसँग कुनै नागरिकका एजेण्डा नभएको आरोप लगाउनुभयो ।

समाचार

• उपत्यकाको सडकमा अख्तियारले छानविन गर्ने
• वागमतीमा पसे राजेश हमाल ! बाबुरामपछि रेग्मीको पालो
• गुटबन्दीविरुद्ध योजनाबद्ध संघर्ष गर्न एमालेलाई सुझाव
• हवाइ दुर्घटनासँगै वीमासम्बन्धी विवाद बढ्यो
• प्रेसमाथिको आक्रमण सह्य हुँदैनः सञ्चारमन्त्री