नेपाल एसीसी महिला च्याम्पियनसिपको सेमिफाइनलमा

मलेशिया ७ विकेटले पराजित

१४ माघ काठमाडौं । नेपाल थाइल्याण्डमा जारी एसीसी महिला च्याम्पियनसिप क्रिकेटको सेमिफाइनलमा प्रवेश गरेको छ ।

आइतबार आफ्नो तेस्रो खेलमा मलेशियालाई ७ विकेटले पराजित गरेको नेपाल ३ खेलबाट ६ अंकका साथ समूह ए को शीर्ष स्थानमा रहँदै अन्तिम चारमा पुगेको हो । भुटानलार्इ १६ रनले हराउँदै हङकङ पनि अन्तिम चारमा प्रवेश गरेको छ । नेपालको समान ६ अंक जोडेको हङकङ रन रेटमा पछि पर्दै दोस्रो स्थानमा छ ।भोलि नेपाल र हङकङसबीच भोलि हुने खेलले समूह बिजेतोको टुंगो लगाउने छ ।

मलेशियालले प्रस्तुत गरेको ६६ रनको लक्ष्य नेपालले ११ दशमलव ३ ओभरमा ३ विकेटको क्षतिमा भेट्टायो । नेपालको जितमा मधु थापाले सर्वाधिक १६ रन बनाइन् । सीता मगर र नेरी थापाले समान १०/१० रन जोड्दा सरीता मगरले ९ रनको योगदान दिइन् । रोशनी बोहोरा भने १ रनमा पभेलियन फर्किइन् ।

यसअघि च्याङमाई रंगशालामा टस जितेर पहिले ब्याटिङ थालेको मलेसियाले निर्धारित २५ ओभरमा ८ विकेट गुमाए ६५ रन बनायो । उसका लागि इमाइलिया रहिमले २१ रन जोड्नु बाहेक अन्यले दोहोरो अंक जोड्न सकेनन् ।

मलेशियालाई सस्तैमा समेट्ने क्रममा नेपाली कप्तान रुबिना क्षेत्रीले ५ ओभरमा ११ रन दिएर २ तथा सरिता मगरले १४ रन दिएर २ विकेट लिएका छन् भने करुणा भण्डारी र निरा राजोपाध्यायले १/१ विकेट लिएका छन् ।

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• उर्मिला अर्याललाई ओलीको प्रश्न-जति खाँदा पनि पुगेन ?
• राप्रपा र राजपाको महाधिवेशनः आलोपालो नेतृत्व अस्वीकार
• यो हो पश्चिम नेपाल (फोटोफिचर)
• एक चक्र भएका कृष्ण पहाडी अब उपन्यासकार
• थ्रेसहोल्डको अडान छाड्दैनौं : कांग्रेस-एमाले