सुनचाँदीको मूल्य घट्यो

१४ माघ, काठमाण्डौ । साताको कारोवार हुने पहिलो दिन  आइतवार सुनचाँदीको भाउ घटेको छ । गत साताको तुलनामा छापावाल सुनको प्रतितोला ८ सय रुपैयाँले घटेको आइतवार प्रतितोला ५७ हजार ८ सय रुपैयाँमा कारोवार भइरहेको नेपाल सुनचाँदी व्यवसायी संघले जनाएको छ । यसअघि गत साता छापावाल सुन प्रतितोला ५८ हजार ६ रुपैयाँमा कारोवार भएको थियो ।

यसैगरी तेजावी सुन पनि प्रतितोला ८ सय रुपैयाँले घटेको छ । गत प्रतितोला ५८ हजार ३ सय ५० रुपैयाँमा कारोवार भएको तेजावी सुन आइतवार घटेर ५७ हजार ५ सय ५० रुपैयाँमा कारोवार भइरहेको छ । अन्तर्राष्ट्रिय बजारमा सुन तथा चाँदीको मूल्यमा कमी आएको हुँदा नेपालमा पनि मूल्य घटेको नेपाल सुनचाँदी व्यवसायी संघले जनाएको छ । विवाह व्रतबन्ध लगायतका शुभसाइत तथा लगनको मौसम भएकाले बजारमा दैनिक ४० किलो सुनको माग रहेको भए पनि दैनिक १५ किलोमात्र सुन आपूर्ति हुने गरेको संघले जनाएको छ ।

यस्तै चाँदीको मूल्यमा पनि केही गिरावट आएको छ गत साता प्रतितोला ११ सय ३० रुपैयाँमा कारोवार भएको चाँदी आइतवार प्रतितोला २० रुपैयाँले घटेर ११ सय १० रुपैयाँ कायम भएको छ ।

समाचार

• लोकतान्त्रिक गणतान्त्रिक गठबन्धनको बैठक बस्दै
• उच्चस्तरीय राजनीतिक संयन्त्रले निर्वाचन विरोधी दलहरुसँग छलफल गर्दै
• उर्मिला अर्याललाई ओलीको प्रश्न-जति खाँदा पनि पुगेन ?
• राप्रपा र राजपाको महाधिवेशनः आलोपालो नेतृत्व अस्वीकार
• यो हो पश्चिम नेपाल (फोटोफिचर)