विपक्षी गैरजिम्मेबार बनेः बोगटी
१४ माघ, नुवाकोट, । एकीकृत माओवादी सचिव पोष्टबहादुर बोगटीले विपक्षी दलहरु गैरजिम्मेवारी बनेका कारण सहमतिको प्रयास विफल भएको बताउनुभएको छ ।
पार्टीको दोस्रो नुवाकोट जिल्ला सम्मेलनलाई आइतबार विदुरमा उद्घाटन गर्दै सचिव बोगटीले प्रतिपक्षी काँग्रेस-एमाले मुलुक र जनताप्रति जिम्मेवार नरहेको टिप्पणी गर्नुभयो । विपक्षीले जनताको शान्तिप्रतिको चाहनाको सम्मान गर्न नसकेकाले मुलुक संकटमा फसेको बोगटीको भनाइ छ ।
काँग्रेस-एमाले गठबन्धन सहमतिभन्दा मुलुकलाई मुडभेडतर्फ डोर्याउन उद्धत रहेकाले मुलक थप संकटमा फसेको भन्दै उहाँले समस्या समाधानका लागि सहमतिमा आउन आग्रह गर्नुभयो । शान्तिप्रक्रिया र परिवर्तन बिथोल्न काँग्रेस-एमालेले आन्दोलनको कुरा गरिरहेको टिप्पणी बोगटीको थियो ।
जिल्ला सम्मेलनले आसन्न सातौँ राष्ट्रिय महाधिवेशनका लागि प्रतिनिधि र पर्यवेक्षक चयन गर्नेछ । सोमबार हुने बन्दसत्रमा ६ सय प्रतिनिधि सहभागी हुने एकीकृत माओवादी नुवाकोटका नेता पुष्प लामिछानेले जानकारी दिनुभयो ।
यसमा तपाइको मत
सम्बन्धित शीर्षकहरु
- पुस्तक समीक्षा तोदा पढेपछि….
- आज विश्व थाइराइड दिवस मनाइदै
- आज २५५७ औं बुद्धजयन्ती, विश्वका बौद्ध धमाबलम्बीहरु विहार र गुम्बामा
- कविता-आँसु रोकिएन
- भीषण दिनहरु…..
- पुस्तक समीक्षा – “धमिलिएका डोबहरू”मा समुन्द्रपारिको प्रेम
- संस्मरण/खलंगामा हमला
- सरकारी सहयोगपछि शेरचन क्याप वान जाने तयारीमा
- वैदेशिक रोजगार व्यवसायीमाथि कर छलीको आरोप, कर तिर्ने वातावरण नभएको जवाफ
- अपहरित शाही १० दिनपछि शकुशल मुक्त
