प्रभाकरणको छोराको निर्मम हत्या !

तीन दशक लामो तलिम बिद्रोहलाई बल प्रयोग गरी दबाएको श्रीलंकाली सरकार र सेनाले मानवअधिकारको गम्भीर उल्लंघनको आरोप खेपिरहेको छ ।

सेनाले पनि युद्व अपराधका पछिल्ला प्रमाणहरुलाई अस्वीकार गर्न सकेको छैन । राष्ट्रसंघले भने यसबारे अन्तराष्ट्रिय एजेन्सीबाट छानविन गर्न र सरकारविरुद्ध कडा कदम चाल्न माग गर्दै आएको छ ।

पछिल्लो पटक बेलायती फिल्म निर्माताले सार्वजनिक गरेको एक तस्वीरले विद्रोही एलटीटीएका प्रमुख प्रभाकरणका छोराको निर्मम हत्याको गम्भीर आरोप लागेको छ । पछिल्लो २ वर्षमा फिल्म निर्माता क्यालम म्याक्रीले बेलायतको स्वतन्त्र टीभी स्टेशन ‘च्यानल ४’ का लागि केही फिल्म बनाएका छन् । जसमा उनले भिडियो प्रमाणको माध्यमबाट सन् २००९ मा एलटीटीएलाई समाप्त पार्ने क्रममा सरकारका तर्फबाट भएका गम्भीर युद्व अपराधलाई देखाएका छन ।

उक्त फिल्ममा प्रभाकरणका १२ वषर्ीय छोरा बालाचन्द्रणको शव देखाइएको छ र भनिएको छ- सेनाले उनको निर्मम हत्या गरेको थियो ।’ यसबारे म्याक्रीले तेस्रो फिल्म बनाएका छन्, जसमा केही तस्वीर देखाइएको छ । सेनाले बच्चालाई भूलबस लागेको र केही खतरा नभएको भने पनि पछि टाउकोमा पाँच पटक गोली हानेको फिल्ममा बताइएको छ । प्रभाकरनको छोरा भिडन्तमा मारिएको भन्ने श्रीलंकाली सरकारको दावी गलत भएको भन्दै म्याक्रीले जानीबुझी नै उनको हत्या गरिएको दावी गरेका छन् ।

श्रीलंकाले सेनाले भने म्याक्रीको आरोप अस्वीकार गरेको छ । श्रीलंकाली सरकारको देशभित्रै आलोचना भइरहेको छ । करीब १ सय ३३ ईसाई पादरीले सुरक्षा परिषद्लाई श्रीलंकाली सरकारविरुद्ध कठोर प्रस्ताव पारित गर्न अनुरोध गरेका छन् । उनीहरुले स्वतन्त्र छानविनको समेत माग गरेका छन् ।

-बीबीसीको सहयोगमा

समाचार

• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ
• बैशाख महिनामा २२७ वटा महिला हिंसाका घटना