बार्सिलोना एसीमिलानसँग पराजित

१० फागुन, काठमाडौं । च्याम्पियन्स लिग फुटबलमा स्पेनिस जाइन्ट बार्सिलोना एसीमिलानसँग पराजित भएको छ ।

अन्तिम १६ को पहिलो लेगमा बार्सिलोना इटालियन महारथी एसीमिलानसँग २–० गोल अन्तरले पराजित भएको हो । ७ पटकको च्याम्पियन्स लिग विजेता एसीमिलानको वार्सिलोनाविरुद्ध सन् २००४ पछि पहिलो पटक जित हो । गत सिजन क्वाटरफाइनलमा भएको भेटको पहिलो लेगमा गोलरहित बराबरी खेलेको एसिमिलानले दोस्रो लेगमा ३–१ को हार व्यहोरेको थियो ।

घरेलु मैदान सान सिरोमा भएको खेलमा एसीमिलानले दुबै गोल दोस्रो हापमा गरेको थियो । खेललाई आफ्नो नियन्त्रणमा राखेपनि गो गर्न नसक्दा बार्सिलोना हार व्यहोर्न बाध्य भयो । पहिलो हाप गोलसहित बराबरी खेल बार्सिलोनाविरुद्ध ५७ औं मिनेटमा केभिन प्रिन्स बोटेंगले गोल गर्दै घरेलु टोलीलाई सुरुवाति अग्रता दिलाए ।

८१ औं मिनेटमा सुले मुन्टारीले गोल गरेपछि घरेलु दर्शकको साथ पाएको एसीमिलानविरुद्ध लिओनल मेस्सीको टोलीको केही लागेन र नजिता २–० ले सुम्पियो । अब क्वाटरफाइनलमा स्थान बनाउन बार्सिलोनाले मार्च १२ मा हुने खेलमा फराकिलो जित हात पार्नु पर्ने हुन्छ ।

अर्को खेलमा साल्के र गालातासारेले १–१ को बराबरी खेलेका छन् ।

समाचार

• योजना आयोगको उपाध्यक्षमा शाक्य, सुकुम्बासी आयोग खारेज
• कञ्चनजंघा आरोहण गरेर फर्कदै गरेका पाँचको मृत्यु
• क्यामरासँग डराउँदै रेग्मीले भने-एकलव्य भएर लाग्छु
• शिक्षकले चिट चोर्ने डरले परीक्षामा कडाई !
• संविधानसभा अगाडि गाई बहुलायो (भिडियोसहित)