८३ माविमा एक मात्र महिला प्रधानाध्यापक !

१२ फागुन, हेटौंडा । राजनीतिक दलहरुले हरेक क्षेत्रमा ३३ प्रतिशत महिला सहभागिताको कुरो उठाइरहे पनि मकवानपुरका माध्यमिक विद्यालयमा एक जना मात्र महिला प्रधानाध्यापक कार्यरत छन् ।

जिल्ला शिक्षा कार्यलय मकवानपुरको तथ्यांक अनुसार जिल्लामा सञ्चालित ८३ वटा माध्यमिक विदालयमा एक जना मात्र महिला प्रधानाध्यापक कार्यरत छिन् । मकवानपुरका ८२ मामिमा पुरुष नै प्रधानाध्यापक रहेका छन् । सुकौरा गाविसमा रहेको जनता माविमा प्रतिमा सिलवाल जिल्लाकै एकमात्र बहालवाला प्रधानाध्यापक रहेकी हुन् । निम्न माध्यमिक विद्यालयमा भने पाँच जना महिला प्रधानाध्यापक रहेको छने । शिक्षा कार्यालयको तथ्यांकमा ८६ वटा निमाविमध्ये पाँच विद्यालयमा महिलाले नेतृत्व गरेको खबर गोरखापत्र दैनिकले छापेको छ ।

तथ्यांक अनुसार हेटौंडा ९ चौधघरेस्थित त्रिवेणि निमाविमा रुद्राकुमारी घिमिरे, मनहरी ८ रजैयास्थित युवावर्ष गंगा निमाविमा रामभक्ति कालाखेती, फापरबारीमा रहेको सीता निमाविमा सन्तोषी सहनी, पदमपोखरीमा रहेको पशुपति निमाविमा रमा चौलागाई र छतिवनमा रहेको प्रभात निमाविमा विमला लामा प्रधानाध्यापक रहेका छन् ।

जिल्लामा रहेका प्राथमिक विद्यालयमा पनि महिला प्रधानाध्यापकको संख्या न्युन छ । जिल्लामा रहेको तीन सय ५१ वटा प्राथमिक विद्यालयमध्ये ६२ वटा विद्यालयमा महिला प्रधानाध्यापक रहेको तथ्यांकमा उल्लेख छ ।

समाचार

• मंसिरमा निर्वाचन नभए सरकारको अस्तित्व सकिन्छः एमाओवादी प्रवक्ता
• पुस्तक मेला- कुन किताब कस्ता छन् ?
• कीर्तिमानी आरोही गौतम भन्छन्-सगरमाथा कालो पहाडजस्तो देखें
• नागदह नियाल्दा (फोटोफिचर)
• राष्ट्रिय स्रष्टा सम्मान वरिष्ठ गीतकार थापालाई